BOIRO>Un ano máis o executivo boirense, a través da área de Política Social, volve a sacar a liña de axudas económicas extraordinarias destinada a atender situacións de necesidade social.
Estas achegas, que este ano contan cunha contía económica de preto dos 70 mil euros, realízanse no marco do POS+ de gastos sociais extraordinarios da Deputación da Coruña e van dirixidas a aquelas familias do municipio con menos recursos económicos.
Dividiranse en tres apartados: para adaptación de vivendas en materia de accesibilidade, para persoas con dependencia ou para servizos de respiro familiar ou de conciliación.
O alcalde, valorou moi positivamente este tipo de axudas, que colocan a Boiro nun dos chanzos máis altos en canto a políticas sociais.
As persoas interesadas teñen de prazo para a presentación de solicitudes ata o 15 de outubro ou ata que se esgote o crédito dispoñible.
As bases e toda a documentación está dispoñible na propia web municipal: www.boiro.gal.
