NOIA> A próxima semana entrará en servizo a área de estacionamento de autocaravanas de Noia. O proxecto, enmarcado no Plan de Sustentabilidade Turística en Destino, supuxo un investimento próximo ós 130 mil euros.
Tan só queda pendente a instalación duns paneis informativos para proceder á apertura do estacionamento de autocaravanas de Noia situado na zona da Barquiña.
Ademais deste novo recurso turístico, o proxecto supuxo a mellora da contorna do parque dos Carballiños que se atopaba moi degradado.
O investimento para a posta en marcha deste novo aparcadoiro roldou os 130 mil euros con cargo ó Plan de Sustentabilidade Turística en Destino.
