RIANXO> A Xunta de Galicia segue a potenciar a carpintería de Ribeira como un sector económico clave para a economía galega que combina o mantemento da tradición cunha actividade empresarial rendible. Así o indicou a directora xeral de Desenvolvemento Pesqueiro na súa visita a Estaleiros Catoira, exemplo de innovación e sostibilidade.
A directora xeral de Desenvolvemento Pesqueiro visitaba esta mañá a sede de Estaleiros Catoira en Rianxo para coñecer de primeira man a actividade desta empresa emblemática da carpintería de Ribeira. Da man do seu propietario, o tamén presidente de Agalcari, Ramón Collazo, puido coñecer as últimas novidades dun oficio que, a pesar de manter viva a tradición, aposta pola innovación tecnolóxica de vangarda.
Precisamente, a necesidade de apostar pola formación é clave para garantir a remuda xeracional. Así o entende tamén a Xunta de Galicia que vén de asinar un convenio con Agalcari para potenciar a carpintería de Ribeira.
Dende o sector destacan as importantes vantaxes desta actividade cun mínimo impacto ambiental, favorecendo a economía circular e a utilización dunha materia prima de proximidade como a madeira.
