BOIRO> A Conselleria de Economía e Industria desprazouse ata Boiro para coñecer as instalacións de Samala Shipyard, localizadas na Ladeira do Chazo. A empresa toma o relevo de Estaleiros Triñanes garantindo así a remuda xeracional e a diversificación no sector da construción naval.
A reconversión dos antigos Estaleiros Triñanes nun novo proxecto empresarial denominado Samala Shipyard abre a porta á diversificación do negocio ampliando a súa produción cara novos tipos de embarcacións sen perder de vista a carpintería de ribeira como orixe da súa actividade. Así o destacaron a Conselleira de Economía e o alcalde de Boiro na súa visita ás instalacións.
Trala transición entre propietarios, Samala Shipyard realizou un importante investimento en tecnoloxía de última xeración como escaneado 3D e ferramentas de realidade virtual co que xa traballa en novos produtos que lle permiten ampliar mercado combinando a nova actividade coa liña tradicional da construción naval.
Un sector en expansión e con grandes expectativas de futuro tal e como revelan os datos do Ministerio de Industria correspondentes ó primeiro semestre do ano no que Galicia cunha carteira de pedidos de 34 buques do total de 77 en toda España, liderando o ránking nacional xunto con Asturias.
