NOIA> O executivo noiés vén de adxudicar por un importe duns 31 mil euros o proxecto de renovación do alumeado dunha parte do parque empresarial de Augalevada.
Substituiranse en total uns 40 puntos de luz para tecnoloxía LED de alta eficiencia enerxética.
A actuación permitirá ofrecer unha mellor iluminación no parque empresarial e reducir o consumo eléctrico preto dun 43%.
A actuación conta con financiamento da Xunta de Galicia, dentro do programa de axudas para a habilitación e mellora das infraestruturas dos parques empresariais, na liña destinada á eficiencia enerxética da iluminación pública.
