MEIS> Meis acende os fogóns para a súa festa dos callos. A cita gastronómica terá lugar o vindeiro 8 de xullo. A organización conta con repartir, atendan ó dato, dúas toneladas e media deste saboroso prato. Para moitos, os mellores callos do mundo.
Os callos de Meis teñan moita sona e, non é para menos. Ano tras ano e con este xa van 28, a festa reúne na localidade a milleiros de persoas, ansiosos da súa ración deste tradicional manxar. Este ano, a cita é o 8 de xullo, nunha xornada gastronómica ateigada de música. Esta mañá presentouse o programa dos festexos e o alcalde da localidade aproveitou para presumir de callos e tamén de veciños.
Unha desas veciñas fundamentais para a festa é Carme. Ela leva 18 liderando a cadea de montaxe dos callos. Este ano contan con preparar dúas toneladas e media, para repartir unhas 6.000 racións.
As festas de San Bieito e dos Callos encherán a localidade de diversas actividades durante unha semana. Os festexos arrancarán este sábado, co primeiro torneo de Fútbol Burbulla do Concello de Meis.
