Conmoción en Arousa pola morte dun mozo de 19 anos nun accidente de tráfico na rotonda de San Simón

CALDAS> Traxedia en Caldas. Un mozo de 19 anos faleceu este mediodía nun accidente de tráfico. Ocorreu na rotonda de San Simón, xusto no límite cos Concellos de Vilanova e Vilagarcía. O vehículo que conducía saíu disparado da vía e faleceu practicamente no acto. O rapaz era natural de Valga, aínda que residía en Meis.

Un mozo de tan só 19 anos faleceu hoxe nun accidente de tráfico. Os feitos ocorreron na rotonda de San Simón, na estrada N-640, á altura da parroquia caldense de Godos, pero moi preto do límite con Vilanova e Vilagarcía.

O sinistro produciuse cando o turismo sinistrado se saíu da vía e acabou precipitándose ao baleiro. As primeiras hipóteses apuntan a que o coche sinistrado viña da VG-4.7 dende Carril, impactou contra o muro da rotonda e acabou precipitándose ó seu interior despois de sobrevoa-la N-640. O mozo faleceu practicamente no acto e, por sorte, non deixou máis vítimas nin tan sequera máis vehículos implicados.

O accidente tivo lugar pasada a unha e media. Ata o punto do sinistro desprazouse un amplo operativo de emerxencias, entre eles, a Garda Civil de Tráfico, os Bombeiros do Salnés,  Urxencias Médicas, agrupacións de Protección Civil de Caldas e Vilagarcía, as policías locais de ambos os municipios e o GES de Valga.

O 061 mesmo chegou a recibi-la alerta para mobilizar un helicóptero ata o lugar do sinistro, pero a súa intervención quedou anulada unha vez se confirmou o facecemento do varón.

O mozo falecido era natural de Valga, aínda que na actualidade residía no Concello de Meis.

1 comentario

  1. Buenas tardes,
    Quería manifestar mi repulsa a cerca de este tristemente nuevo y esperado acidente mortal en la rotonda de San Simon, que por cierto nose a quien compete su mantenimiento, si Concellos de Vilagarcia, Vila Nova, Caldas, Diputación, Xunta o Fomento Administración Central, lo que si está claro es que va camino de convertirse en un triste matadero, ante la desidia de las administraciones, me pregunto¿cuantas personas más tendrán que perder su vida para que se solucione este problema, entrando en detalles soy natural de Vilagarcia y conozco este lugar aunque resido en Pontevedra y círculo a veces por el lugar del acidente y por las carreteras que desenvocan en la rotonda y carece de total y absoluta iluminación por la noche y creo que viniendo del Puerto y de la, zona de Carril se llega a ella con mucha velocidad y la rotonda te obliga a maniobrar muy bruscamente con el riesgo que ello entraña, esta claro que hay señales que advierten de la reducción de la velocidad,pero creo que habría que buscarle una solución cuanto antes, sin más quisiera que mi protesta saliera a la luz y se le diese una solución a este problema a su disposición para lo que quieran comentar.

    Sin más un cordial saludo de un vecino de Pontevedra, natural de Vilagarcia de Arousa y con raíces en Vila Nova de Arousa y Ribadumia.

DEIXAR UNHA RESPOSTA

Por favor, engade un comentario!
Por favor, engade o teu nome aquí