O BNG de Boiro votará a favor na aprobación do orzamento municipal

BOIRO> O BNG de Boiro vén de anunciar que votará a favor do orzamento presentado polo goberno municipal que será levado ó pleno de mañá para a súa aprobación inicial.

Faino despois do acordo alcanzado na asemblea local da formación e tamén logo de que se aceptasen boa parte das propostas presentadas polos nacionalistas para que fosen incluídas no documento orzamentario.

É o caso da rehabilitación das antigas vivendas dos mestres para convertelas en vivendas sociais, a instalación de rede municipal de puntos wifi nos centros sociais ou a redacción do proxecto para a residencia da terceira idade, entre outros.

Aínda así dende o BNG botan en falla outras cuestións como pode ser unha aposta pola remunicipalización da xestión da piscina municipal.

Tamén critican o feito de que non se negociase o importe das partidas orzamentarias introducidas polos nacionalistas, nin tampouco a decisión do goberno de levar a pleno, de xeito unilateral, a aprobación dos presupostos, sen terllo comunicado previamente.

DEIXAR UNHA RESPOSTA

Por favor, engade un comentario!
Por favor, engade o teu nome aquí