CAMBADOS> Cambados anima aos veciños a reducir, reciclar e reutiliza-los refugallos. Hoxe instalaron un posto informativo no mercado, no que deron a coñece-lo traballo da Tropa Verde. Trátase dunha iniciativa que, ademais, ofrece incentivos a aqueles que xestione do mellor xeito os seus residuos.
“Cambados Limpo” e “Biorresíduos de Cambados” son dous dos proxectos medio ambientais que hai en marcha no concello. Os dous están vencellados á campaña da Tropa Verde, unha inicaitiva que chegou hoxe á contorna do mercado.
Ao longo da mañá, a Tropa Verde levou a cabo unha tarefa de difusión para concienciar aos veciños. Ademais de repartir agasallos, aproveitan para resolver dúbidas sobre a compostaxe, a reciclaxe ou a seperación de residuos. Tamén a dinámica da Tropa Verde.
A acción levou a cabo ao pé do novo composteiro comunitario do mercado, instalado hai unhas semanas. Xa había dous e a previsión do concello é instalar ao longo deste ano cinco máis.
