O GROVE> A Xunta abre ao público o xacemento arqueolóxico de Adro Vello no Grove. Ao ser un espazo protexido, as visitas só están programadas para determinados días cunha quenda de mañá e outra de tarde. No xacemento poden observarse antigas construcións romanas como a base dunha igrexa.
O tesouro arqueolóxico do Grove xa está aberto o público. A campaña para diagnosticar o estado e poñer en valor Adro Vello alcanza a súa última semana, o que permiten que a Xunta abra as portas do xacemento.
Ao ser un espazo protexido as visitas están limitadas, só se realizan durante algúns días e nunha única quenda tanto de mañá como de tarde. Os interesados en achegarse ao Adro Vello poderán gozar de máis de 1800 anos de restos romanos.
Ata o lugar achéganse interesados que queren coñecer os restos arqueolóxicos de Adro Vello pero tamén veciños que levan seguindo a historia do xacemento dende as súas primeiras escavacións.
No que coinciden todos é no asombroso que supón poder contemplar uns xacementos tan antigos.
Dende a escavación sinalan que o traballo realizado foi existoso, podendo reinterpretar a historia do lugar cos novos descubrimentos. Na seguinte fase, os arqueólogos escavarán novas zonas para descubrir novos achados, tamén tomarán medidas para musealizar os restos.
