BOIRO> O viveiro de empresas de Boiro acolle dende finais do pasado ano unha nova iniciativa empresarial. A cooperativa Arreda, especializada en rozas e actuacións fitosanitarias, naceu ó abeiro do obradoiro de emprego de xestión forestal
Tras formarse no obradoiro de xestión forestal Torre de Goiáns, catro dos participantes decidiron dar o paso e formar a cooperativa Arreda.
Ademais de dispoñer dun taller no viveiro de empresas de Espiñeira, poden facer uso das oficinas do centro para a xestión administrativa e comercial.
Esta sociedade cooperativa vense sumar a outra de recente creación no eido do marketing dixital, Kracia, poñendo de manifesto o gran potencial do viveiro de empresas de Boiro na explotación de novos nichos de mercado como o sector forestal.