MUROS> A Conselleira do Mar desprazouse esta mañá ata o porto de Muros para supervisar as obras de reconstrución dun treito do peirao interior. Marta Villaverde aproveitou a visita para coñecer as bateas experimentais de captación de semente de mexillón que OPMEGA ten nesta ría.
As obras de reconstrución do peirao interior do porto de Muros supuxeron un investimento próximo ós 460 mil euros co que Portos de Galicia busca reforzar a estabilidade nesta zona afectada pola acción do mar e garantir a seguridade das numerosas persoas e maquinaria que transitan pola infraestrutura. A Conselleira do Mar supervisou o avance das obras que están a piques de rematar.
Posteriormente Marta Villaverde embarcouse rumbo ás bateas experimentais de captación de mexilla de Opmega para coñecer o sistema long-line que permite a provisión de semente dun xeito alternativo para garantir o abastecemento de tódalas bateas.
