Pontevedra

Obxectivo cumprido. Pontevedra pecha a súa etapa de dous anos como sede dos Premios Feroz cun balance máis que satisfactorio. Non só para o concello, tamén para a Asociación de Informadores Cinematográficos de España, os organizadores do certame, que destacan que a integración entre os premios e a cidade foi plena. Facendo desta a edición máis completa da historia dos Feroz. Aínda que a vindeira gala non se celebrará en Pontevedra, dende a AICE explican que o obxectivo é manter os lazos coa cidade, explorando novas vías de colaboración.

A implicación da cidade en toda a programación Feroz foi alto que destacaron tanto dende o concello como dende a Asociación de Informadores Cinematográficos de España. E a xornada da gala non foi unha excepción. Milleiros de persoas achegáronse ao Recinto Feiral para ver aos seus ídolos na alfombra vermella. Tamén encheron o Pazo da Cultura para seguir o evento en directo.

Os asistentes á gala gozaron do seu paso por Pontevedra. Pero tamén os organizadores e, por suposto, os anfitrións. Dende a Asociación de Informadores Cinematográficos de España e dende o concello pontevedrés, destacaron a boa sintonía durante todos os preparativos e agradeceron a implicación da cidade. Mesmo algúns dos actores e actrices que acudiron á cita amosáronse partidarios a que Pontevedra repita como sede.

Pontevedra despediuse do seu papel como anfitrioa dos Premios Feroz e fíxoo por todo o alto. Por segundo e último ano, a cidade entregouse para facer da gala unha experiencia inesquecible para centos de rostros recoñecidos por todos que se pasearon pola alfombra vermella. A capital pontevedresa conquistou corazóns cos seus encantos, as súas xentes e, por suposto, co mellor da súa gastronomía.

Os hoteis pontevedreses roldan esta fin de semana o 95% de ocupación. Os Premios Feroz tamén teñen impacto neste sector, máis que satisfeito coa pegada desta cita na cidade. E confirman a importancia destes eventos para desestacionalizar o turismo. A asociación de hoteleiros da cidade asegura que probas deportivas, congresos e eventos de todo tipo, sumados ao Camiño de Santiago, fan que para o sector hoteleiro pontevedrés non exista a tempada baixa.

A Deputación de Pontevedra centra no deporte a campaña que levou este ano a Fitur. 'A túa meta, o teu destino' presentouse en Madrid como un convite para "desconectar, conectar e reconectar" da rutina, descubrindo as Rías Baixas a través do deporte. O presidente provincial estivo acompañado durante o acto do xefe do executivo galego.

Pontevedra aposta por converter os Premios Feroz nunha aula aberta para o estudantado e o voluntariado da cidade. Máis de 80 alumnas e alumnos da Universidade de Vigo, o Centro Integrado de FP Carlos Oroza e da Aula Municipal de Teatro intégranse na organización da cita. A eles súmase o Coro do Instituto da Xunqueira I, que actuará na gala deste sábado.

Tres empresas pontevedresas brillarán con luz propia na gala dos Premios Feroz. Paco y Lola, Krack e El Nogal estarán presentes nesta importante cita con diferentes accións para darse a coñecer entre os asistentes. Hoxe representantes destas marcas foron recibidas polo alcalde Miguel Anxo Fernández Lores.

A Deputación de Pontevedra aposta por converter o ceo das Rías Baixas nun produto turístico. Co obxectivo de posicionar a provincia como un destino de referencia en astroturismo, veñen de lanzar Baixo o ceo das Rías Baixas. Unha iniciativa inspirada polas tres elipses solares que se poderán observar dende Pontevedra nos anos 2026, 2027 e 2028 pero que nace con vocación de continuidade.v

Pontevedra como provincia do deporte é a imaxe que este ano protagonizará a campaña de promoción turística da Deputación. Hoxe a administración provincial presentou a proposta para este 2026 que será a que leve á Feira Internacional de Turismo de Madrid, ‘A túa meta, o teu destino’. Nela saca peito do potencial deportivo da provincia, tanto do seu sector como do seu territorio.