Cultura

Sanxenxo impulsa a súa primeira mostra internacional de cinema. O concello pon en marcha 'Sanxenxo de cine', unha iniciativa que traerá á vila catro filmes de renome a finais de xuño. Entre eles, Sirát, a última película de Oliver Laxe, premiada esta pasada fin de semana no festival de Cannes. A mostra, explicaron esta mañá, ten vocación de continuidade.

Ribeira acollerá un ano máis a mostra de teatro infantil que chega a súa 25 edición. A cita será do 27 ao 31 de maio no auditorio municipal.

Vilagarcía desvelou hoxe a programación de Santa Rita 2025. As festas prolongaranse do 21 ao 25 de maio convertendo a cidade nun gran escenario do que hoxe denominaron como unha gran romaría popular urbana. A orquestra Panorama estreará no marco destas festas o seu novo espectáculo. Tamén actuarán Os Satélites e Marbella e a banda The Rapants. A isto hai que sumar a Feira Celta, propostas infantís e tamén distintas citas deportivas.

O auditorio municipal de Ribeira acollía esta mañá un novo ‘demoday’ de emprendemento musical organizado pola Fundación Paideia, a Asociación Deloa e a Escola de Organización Industrial. A xornada comezou coa emisión en directo do programa de radio ‘Hoy empieza todo’ en Radio 3, de sete a nove da mañá, coas actuacións de Ferla Megía, Catuxa Salom, Tanxugueiras e Triángulo de Amor Bizarro, entre outros.

A Pobra presentaba esta mañá as actividades organizadas pola concellería de Cultura para este mes de maio co gallo da celebración do Día das Letras Galegas. Será unha programación do máis variado dirixida a tódolos públicos e que se prolongará ó longo de todo o mes.

O Concello de Meis celebrará o Día das Letras Galegas cunha romaría. Vaise celebrar na Casa de Parga, cun especial protagonismo para as pandereteiras e cantareiras. A festa arrancará xa a media mañá, coa intención de que a veciñanza vaia alí pasar o día e comer de campo. As actuacións musicais iranse sucedendo ao longo de todo o día, con formacións locais. O peche da xornada virá da man das Lembranzas.

O concello de Ribeira presentou o programa do Maio Cultural 2025, que organiza a concellería de Cultura en colaboración coas áreas de Educación e Normalización Lingüística. o programa destaca pola súa variedade de actos, cunha aposta polas actividades vinculadas á promoción da lingua galega e á difusión e posta en valor da nosa cultura.

A iniciativa xorde da man dun grupo de amantes do sétimo arte co apoio da concellería de Cultura. As proxeccións iniciaranse xa o vindeiro 11 de maio no Coliseo Noela e prolongaranse ata o 8 de xuño, grazas tamén á colaboración de Cine Numax, encargado do deseño da programación.

Esta mañá presentábase na Pobra o sexto Ciclo Victoriano García Martí. A programación desenvolveranse os días 25 e 26 deste mes de abril e nelas, ademais da tradicional ofrenda cívica diante do seu busto, incluirase a presentación dunha nova publicación, ‘Fiestra del madrigal’, un resumo do discurso pronunciado polo escritor no teatro liceo de Ourense en maio de 1913.

A concellería de Turismo de Noia e a asociación Noia Histórica volven ir da man na organización das visitas guiadas durante esta Semana Santa. Con esta actividade, con gran demanda, buscan poñer en valor o patrimonio histórico da vila, e ó mesmo tempo promocionar os negocios locais.