Rianxo

O goberno de Rianxo fixo balance da súa xestión cando se cumpren 1000 días dende a investidura. Acompañado polos concelleiros das distintas áreas, o alcalde destacou os importantes investimentos e servizos impulsados ata o momento así como os proxectos que pretenden materializar neste ano que queda de mandato.

A lonxa de Ribeira acolleu esta mañá o primeiro dos talleres do Programa Educativo Capitán Mareas. Trátase dunha iniciativa promovida por Vegalsa-Eroski para dar a coñecer a actividade do sector pesqueiro e fomentar o consumo de peixe entre os máis pequenos.

A titular do Mar, Marta Villaverde visitaba a zona da enseada de Beluso, para continuar cos traballos de avaliación e mostraxe que a Consellería está a realizar nos bancos marisqueiros de toda Galicia. Uns traballos que, segundo ela, se prolongarán durante as vindeiras semanas co fin de ver con detalle a situación real das distintas concesións.

Rianxo e Boiro traballan de xeito conxunto na habilitación dun centro de acollida de animais abandonados. O proxecto, para o que buscan financiamento, forma parte da nova liña de colaboración iniciada dende a Mancomunidade Barbanza Arousa, co fin de optimizar os recursos públicos e abaratar custes.

Os pais do CEP Xosé María Brea Segade de Taragoña concentráronse esta mañá ás portas do centro para demandar melloras educativas. Ademais do blindar o profesorado acadado tras anos de protestas esixen un orientador a tempo completo, máis especialistas en AL e melloras nas instalacións para reforzar a seguridade do centro.

Rianxo segue a dar pasos de cara a renovación integral do seu alumeado público. O goberno de Julián Bustelo ten previsto acollerse a unha nova subvención do Instituto para a Diversificación e Aforro da Enerxía, o IDAE,  e renovar así parte das luminarias aínda pendentes. Neste caso a zona de actuación será o casco urbano.

Rianxo retomou as concentracións para reclamar melloras na atención primaria. Será tódolos martes ás 7 da tarde diante do centro de saúde. Entre outras cuestións, reclaman un PAC a tempo completo, a recuperación do reforzo de pediatría e a cobertura ó 100% das prazas de facultativos.

O executivo rianxeiro vén de sacar estes días a licitación as obras de ampliación das redes de abastecemento e saneamento en Villanustre, na parroquia de Asados, e a ampliación da rede de abastecemento de auga entre Corques e Outeiro, en Taragoña. Estas tres actuacións súmanse a outras obras xa adxudicadas a finais do ano pasado, que suman no seu total  uns 800 mil euros de investimento.

Mañá xoves, a corporación municipal de Rianxo celebra o pleno ordinario correspondente a este mes de xaneiro. Na orde do día figuran un feixe de puntos, entre os que se atopa a aprobación das obras incluídas no Plan de Obras e Servizos da Deputación da Coruña para este 2026.  Segundo o equipo de goberno trátase de proxectos para seguir avanzando na mellora de accesos a núcleos e na ampliación dos servizos de auga e saneamento nas parroquias.

O PSOE de Rianxo vén de solicitar unha xuntanza co alcalde para analizar cuestións de seguridade no municipio. Ademais da alta sinistralidade nalgúns puntos de estradas autonómicas, os socialistas amosan a súa preocupación ante o incremento da inseguridade cidadá.