Barbanza - Muros - Noia

A Ría da Estrela presentou en Fitur as novidades da súa oferta turística baseada este ano no seu primeiro catálogo de peregrinacións marítimas a través da ría de Muros e Noia. Aproveitou a súa presenza na feira para presentar tamén o primeiro itinerario cultural e paisaxístico circular, tomando coma referencia dúas rutas xacobeas, o Camiño de Fisterra-Muxía e o Camiño da Ría de Muros-Noia. A Ría da Estrela escolleu Fitur, a feira internacional de turismo más importante por volume de participantes e asistentes, para presentar as principais novidades da súa oferta turística para este 2025. O alcalde de Noia, Santiago Freire, que vén de asumir cargo de presidente da entidade en substitución da alcaldesa de Lousame, Teresa Villaverde, foi o encargado de presentar o xeodestino, vinculado ó Camiño de Santiago. A primeira das propostas, o primeiro primeiro catálogo de peregrinacións marítimas a través da Ría de Muros Noia, que ofrece a posibilidade de facer a ruta navegando de tres formas distintas

O BNG levará ó Parlamento varias iniciativas ante o recorte de persoal na área sanitaria de Muros Noia. Ademais da redución dun médico de reforzo no PAC de Noia denuncian a perda da consulta da matrona en Outes e a existencia dunha única ambulancia para toda a comarca.

O PP de Ribeira demanda a recuperación da antiga nave de Conservas Cerqueira para uso municipal. Levarán a pleno unha moción instando ó goberno local a demandar a Costas a reversión da concesión dos terreos, emprazados en Bandourrío.

A Asociación de Empresarios de Ribeira entregou os premios da súa campaña de Nadal. Foron en total cinco mil euros repartidos en vales de entre 300 e 50 euros a consumir no comercio e na hostalería de Ribeira.

O marisqueo cae en picado na ría de Arousa. A Plataforma pola Defensa da Ría de Arousa puxo hoxe cifras sobre a mesa que amosan ás claras o importante descenso da produtividade nos últimos anos. Caen a maioría dos moluscos bivalvos, destacando a ameixa fina e o berberecho. Unha baixada que se traduce nun grave impacto económico. Dende o ano 2021, as perdas do marisqueo na ría de Arousa roldan os 47 millóns de euros. Por iso o sector reclama á Xunta que actúe con urxencia.

A Deputación da Coruña participou este ano en Fitur centrando a súa campaña deste ano na gastronomía e no deporte. Neste aspecto, aproveitaron para presentar a primeira vía verde coa que conta a provincia.

Trala inauguración oficial do stand, coa presentación da oferta turística de Galicia para este 2025, un dos actos que centrou tamén a atención neste primeiro día tiña coma protagonista ó Cluster de Turismo de Galicia. A entidade aproveitou a súa presenza na Feira para dar a coñecer o programa SIMADA, un sistema de monitorización e análise de datos de aloxamento, ó que pode acollerse de xeito gratuíto calquera empresa do sector.

A Consellería do Mar asinou un convenio de colaboración plurianual co Centro Tecnolóxico de Galicia para detectar as causas da perda de produtividade marisqueira. O investimento de máis de 700 mil euros permitirá realizar un estudo para o cultivo de bivalvos máis resistentes á caída da salinidade.

O BNG de Noia propón catro proxectos a incluír no POS da Deputación da Coruña para este exercicio. Están relacionadas coa mellora da accesibilidade, a conservación do casco histórico e o saneamento.

Recollen preto de 2.700 sinaturas para o cobertura íntegra das prazas de médico no centro de saúde de Aguiño. Os veciños entregaban esta mañá no rexistro do Concello as firmas recollidas durante as últimas semanas que lle foron remitidas á Xunta.