Vilagarcía

Nun almorzo informativo en Vilagarcía cos medios de comunicación da zona, o presidente da Deputación de Pontevedra fixo balance do feito neste último ano nas comarcas do Salnés e Caldas. Luis López cifrou o investimento en máis de 30 millóns de euros, a través de programas como o +Provincia, o Plan Extraordinario de Infraestruturas Deportivas, o PON2030 ou en diversas actuacións do servizo de Infraestruturas.

A axuda non deixa de chegar ás zonas afectadas pola DINA. Parte dese apoio ten acento galego. Sobre o terreo devastado pola gota fría traballan xa efectivos de emerxencias de Vilagarcía. Están achicando auga de garaxes, buscando vítimas e limpando rúas. Nas últimas horas sumáronse a estas tarefas tamén voluntarios de Protección Civil de Cambados.

Viños, gastronomía e agora tamén moita música. Esa é a carta de presentación da sétima edición de Castes, a feira independente do viño que acollerá Vilagarcía entre o 22 e o 24 de novembro. A cita segue expandíndose, coa participación de máis dun cento de adegas nacionais e internacionais. Na programación paralela salienta o nacemento desa nova proposta musical paralela, coas actuacións xa confirmadas de Depedro, Belako, Catuxa Salom ou The Agapornis.

Representantes da comunidade educativa de toda a nosa contorna fan un chamamento a participar este sábado na manifestación contra os recortes en educación. Convocada pola Plataforma Galega en Defensa do Ensino Público, denuncian numerosas eivas en tódolos niveis, dende infantil ata secundaria. Din que estamos ante un dos inicios de curso con máis deficiencias dos últimos anos e que mostra diso é a gran cantidade de protestas que se están a celebrar en distintos centro de toda Galicia, tamén na nosa contorna.

VILAGARCIA>  O BNG defende un concerto económico para Galicia. Dende Vilagarcía, os nacionalistas defenden que sexa a comunidade a que teña a chave dos...

Cáritas Arousa conmerou hoxe o primeiro aniversario da posta en funcionamento do seu novo comedor social. Este espazo atende a diario 40 persoas, acadando as 60 nas fins de semana. No que vai de ano servíronse alí máis de 11.000 comidas neste espazo social. Dende Cáritas explican que as novas instalacións permítenlle ofrecer un servizo máis digno, persoal e integrada.

Batman será o eixo temático da edición deste ano do Curtas de Vilagarcía. O festival arranca o vindeiro 25 de outubro, coa proxección de case 120 filmes. Deles, preto dun cento van ser estreas, 15 delas mundiais. Ademais, o festival complétase con moitas outras propostas, como a feira de artesanía e obxectos curiosos, a cea do baile dos vampiros ou a visita do Batmóbil.

A iniciativa lexislativa popular para a proteccion das actividades pesqueiras e marisqueiras debaterase no Parlamento Galego o vindeiro 22 de outubro. A Plataforma en Defensa da Ría de Arousa fai un chamamento aos grupos políticos para que apoien o texto. Din que é un piar para a subsistencia do sector, que serviría para recoñecerlle o seu interese xeral e garantir a súa viabilidade futura.

A DXT pon en marcha unha campaña contra as distraccións ao volante. Un dos primeiros controis informativos tivo lugar hoxe en Vilagarcía. Garda Civil e Policía Local van da man para explicarlle aos condutores os perigos de usar o móbil ao volante, un hábito cada vez máis estendido. Así e todo, este non é o único perigo: buscar unha dirección no GPS, comer ou beber ou acender un pitillo son hábitos tan simples como perigosos cando estamos conducindo.

VILAGARCÍA> AGTAMAR-UPTA propón que os parques de cultivo de bivalvos de Carril sexan considerados sector primario. Din que así poderían optar a novas axudas...