crb

O concello da Pobra busca unha solución integral ós problemas que presenta o paseo dos Areos, con risco de derrube en varios treitos. Nunha próxima reunión coa Demarcación de Costas, o alcalde da Pobra proporá retomar o proxecto que contemplaba a demolición da maior parte da estrutura para a recuperación do espazo natural.

O presidente da Xunta visitou esta mañá as instalacións de Jealsa en Boiro. Alfonso Rueda puxo en valor a aposta pola innovación deste grupo empresarial que está a realizar importantes investimentos despois de que a Xunta autorizase a prórroga da concesión da planta emprazada no porto do Bodión.

Os pobrenses volverán adiantarse ó calendario coa Festa pre fin de ano que terá lugar a mediodía. As badaladas correrán nesta terceira edición a cargo dunha polifacética veciña que será a encargada de dar a benvida ó 2026 por adiantado.

As amas de Casa de Ribeira organizan durante este Nadal unha serie de propostas festivas e solidarias para toda a cidadanía. Ademais do seu tradicional festival que se celebrará o 27 de decembro, poñerán en marcha un mercado solidario de libros así como unha recepción dos Reis Magos.

O concello da Pobra busca retomar o proxecto de rexeneración no bordo litoral dos Areos,.  O informe negativo de Patrimonio ante a demolición das nave dos cataláns provocou a paralización das obras executadas pola Demarcación de Costas.

A corporación municipal de Ribeira ofreceu unha recepción ós deportistas de kenpo que veñen de participar no Campionato de Europa coa selección españolas. Os barbanzáns fixéronse con 18 medallas nas distintas categorías que evidencian a gran proxección deste deporte na comarca.

O concello de Boiro desenvolver ó longo da segunda quincena de novembro unha campaña especial de control de mascotas. Esta iniciativa, de carácter informativo, incidirá na necesidade de levar ós animais con correa e identificados con microchip así como na obriga de recoller os seus excrementos.

Portos de Galicia procederá ó repintado das prazas de estacionamento do recheo de Ribeira. Na actualidade, todas están pintadas de verde o que levou a confusión ós usuarios posto que tan só están reservadas para profesionais as máis próximas ós pantaláns.

O concello de Ribeira amplía a súa oferta formativa en materia de Normalización Lingüística. Ademais dos cursos preparatorios para o CELGA, este ano ofertarán formación para persoas que se achegan por primeira vez ó galego.

A Deputación da Coruña desenvolverá entre o 30 de setembro e o 5 de outubro as Xornadas Europeas sobre Patrimonio. O programa presentouse esta mañá en Ribeira, concretamente na antiga nave de Conservas Cerqueira, que acollerá unha das visitas guiadas nesta segunda edición.