Deportes

Ribeira acollerá o vindeiro sábado 28 de marzo a XIV Velada de Boxeo que organiza o Club ‘EL Canario’. Será no pavillón Torres Colomer de Palmeira e constará de 8 combates, un deles profesional.

Din que é unha mestura entre bádminton, pádel e pimpón. É o pickleball, un deporte que cada vez gaña máis forza en distintos concellos das Rías Baixas, como por exemplo, en Poio. En Raxó, este vindeiro sábado, van acoller un campionato internacional no que nove clubs de distintos puntos de Galicia e Portugal medirán as súas forzas. A xornada, na que participará case un cento de deportistas forma parte da denominada Liga Atlántica de Pickleball.

Carlos Lorenzo e Andrea Vázquez foron os gañadores absolutos do Portosín Trail, modalidade longa de 21 quilómetros, mentres que Yeray Lorenzo e Marta Vázquez vencían na distancia curta de 15. A proba, disputada onte domingo, pechaba o Circuíto Trail Series 2026 organizado por Arousa Neo.

A localidade sonense de Portosín acollerá este próximo domingo, 22 de febreiro, o Portosín Trail. Na proba, incluída no Circuíto Trail Series Arousa Neo, prevese unha participación de máis de 350 persoas, repartidos no trail longo, o curto e a andaina.

Noia celebra este vindeiro domingo 22 de febreiro unha nova andaina. A proba, organizada polo Club Trabandainas, forma parte da Liga Galega de Sendeirismo. Constará de dúas rutas, unha longa de 25 quilómetros e outra curta de 15, con punto de saída e chegada para as dúas no IES Campo de San Alberto. Prevese unha participación dunhas 800 persoas.

Meaño acollerá a primeira carreira solidaria Polilla Ana Vicente. Trátase dunha proba que se vai celebrar o vindeiro 7 de febreiro, a favor da Asoación Española Contra o Cancro. Detrás desta iniciativa están os antiguos alumnos dos colexios da Garda Civil, co apoio de diferentes empresas e administracións. As inscricións xa están abertas. Polo de agora hai xa anotadas unas 150 persoas.

O Monte Xiabre será o escenario dun trail e andaina solidarios o vindeiro 8 de marzo. Detrás desta proposta está o Club Tríatlon de Vilagarcía, que aproveitará as distintas rutas marcadas pola zona para desenvolver estas probas. O recadado irá destinado a Equipo Nómada, colectivo que aproveitará estes fondos para intervir a 18 nenos saharauis con pé zambo, unha malformación cun fondo estigma social.

Noia acollerá este vindeiro domingo 11 de xaneiro a primeira das probas do calendario da Copa Galicia de 3 horas de Resistencia BTT para este 2026. A actividade, que se desenvolverá no polígono de Augalevada a partir das doce da mañá, reunirá a uns 200 corredores.

Ribeira será sede da final do ‘Nada e Corre’. A actividade, organizada polo Club Natación Ribeira en colaboración coa Federación Galega de Triatlón e Pentatlón Moderno, terá lugar no complexo deportivo da Fieiteira o domingo 14 de decembro.

Lousame presenta a oitava edición do seu trail. A cita terá lugar o domingo 28 de decembro. Como é costume haberá dous percorridos, un longo de 25 quilómetros e outro curto de 14. Coma novidade da presente edición é que a carreira formará parte do circuíto Galicia Trail Runnnig Series da Federación Galega de Atletismo.