Deportes

A Deputación da Coruña aprobou por unanimidade hoxe en pleno unha subvención nominativa de cen mil euros para o Club de Remo Puebla. A corporación provincial ratifica así o seu compromiso coa entidade que a principios de ano perdía a súa sede e gran parte do material que almacenaba nun incendio.

Ribeira acollerá o domingo 11 de maio a undécima edición da carreira pola diversidade que organiza a asociación AMBAR. Como complemento á carreira, tamén haberá a posibilidade de realizar unha andaina.

Esta fin de semana disputarase tamén unha nova edición da Challenge Volta ó Barbanza ‘A Orixe’. A cita deportiva, dividida en dúas etapas, Rianxo e Ribeira, reunirá a 120 ciclistas dun total de 18 equipos. A proba está organizada polo Club Ciclista Barbanza e a Federación Galega de Ciclismo, e conta co patrocinio da mancomunidade Barbanza Arousa.

Todo preparado en Noia para acoller unha nova edición do Rali Berberecho. A cita, unha das clásicas do motor na nosa comunidade, disputarase os días 4 e 5 de abril, baixo a organización da escudería Berberecho.

A Ría de Muros e Noia será escenario un ano máis do arranque do Campionato de España de Motonáutica Inclusiva. A primeira das probas terá lugar xa este sábado 29 de marzo en Portosín. Unha semana despois a competición trasladarase a Outes, coa disputa da segunda proba do Campionato, no porto  Freixo. As dúas serán valedoiras tamén para o campionato galego.

Máis dunha ducia de clubs participarán este sábado na oitava Bandeira de Bateis do Concello da Boiro. A competición, que arrancará ás dez e media da mañá, trasladarase ó peirao de O Bodión, debido ás previsións metereolóxicas adversas.

Vilaxoán acolle este sábado a XVII edición da bandeira de bateis 'Porto de Vilagarcía'. Un cento de embarcacións e máis de 500 deportistas daranse cita este ano na proba, presentada esta mañá na Autoridade Portuaria vilagarciá. A competición vaise dividir en 12 categorías, dende alevín ata absoluto feminino e masculino.

Hoxe en Pontevedra celebrouse unha nova reunión do comité organizador da gran cita deportiva que neste mes de xuño acollerá a cidade: o Campionato do Mundo de Tríatlon Multideporte. As cifras avalan a súa relevancia: está prevista a participación de máis de 4.000 deportistas e a chegada de máis de 15.000 visitantes á cidade. Para facela posible, as administracións e entidades colaboradoras achegarán un orzamento de 2,9 millóns de euros.

O campionato celebrarase na cidade do 20 ao 29 de xuño. Para dar resposta a todas as necesidades, a organización fai un chamamento á veciñanza a que forme parte do equipo de voluntariado. Con esta campaña agardan chegar axiña ás 350 persoas anotadas. A elas hai que sumar tamén a colaboración da Brilat, Protección Civil, Garda Civil de Tráfico e Policía Local. Todo para que evento deportivo máis importante deste ano na cidade sexa un éxito.

Este sábado terá lugar en Boiro unha velada de boxeo, o segundo memorial Luís Torrado Treus. A cita, que se desenvolverá no pavillón de Barraña a partir das sete da tarde, incluirá un total de 8 pelexas neoprofesionais e amateur.