BARBANZA

Rianxo disporá dun obradorio dual de emprego que beneficiará a 20 veciños da localidade en situación de desemprego, que se formarán nas especialidades de pavimentos e albanelería de urbanización.

O executivo rianxeiro programou un acto público para este sábado para festexar a volta da emblemática escultura da Virxe de Guadalupe de Francisco Asorey á praia de Tanxil tras 20 anos dende a súa retirada.  

Ribeira acolle este próximo domingo día 6 de setembro o Campionato Xunta de Galicia de Triatlón na modalidade Super Sprint. A actividade, organizada polo Club Natación Ribeira, en colaboración coa Federación Galega de Triatlón, disputarase no entorno de Coroso a partir das dez da mañá. Prevese unha participación próxima ó cento de deportistas pertencentes ás categorías cadete e xuvenil.

Un ano máis a devoción por San Ramón volveu encher a carballeira de Bealo con miles de fieis. Dende primeiras horas da mañá foron moitos os romeiros que se achegaron ata a capela para asistir ós diferentes oficios relixiosos, aínda que o momento máis agardado tiña lugar á unha do mediodía, coa tradicional misa solemne e posterior procesión.

A delegada da Xunta na Coruña, Belén do Campo, visitou Ribeira para comprobar a marcha do obradoiro de emprego Tahume XI, que comparte este concello co do Porto do Son. Na visita a delegada achegouse ata a escola infantil onde o alumnado do módulo de carpintería veu desenvolvendo diversas actuacións.

A Xunta de Galicia segue a potenciar a carpintería de Ribeira como un sector económico clave para a economía galega que combina o mantemento da tradición cunha actividade empresarial rendible. Así o indicou a directora xeral de Desenvolvemento Pesqueiro na súa visita a Estaleiros Catoira, exemplo de innovación e sostibilidade

O concello de Ribeira avanza na mellora das instalacións deportivas do municipio coa renovación dos vestiarios do campo de fútbol de Carreira. A actuación, cun orzamento próximo ó medio millón de euros, dará comezo nas próximas semanas e conta cun prazo de execución de mes e medio.

A Liga Eusko Label chega esta vindeira fin de semana a Barbanza coa disputa da cuarta Bandeira Barbanza –Arousa. A proba terá lugar este sábado en Cabo de Cruz, a partir daas seis e cuarto da tarde.

A conselleira do Mar visitaba tamén esta mañá as instalacións de Jealsa, no Bodión. A visita tiña coma principal finalidade coñecer os novos proxectos e os  investimento que ten en marcha a fima, unha das principais produtoras de conservas a nivel mundial.

Ribeira presenta unha nova edición da mostra de teatro que este ano dá un salto de calidade coa incorporación dunha compañía internacional. Xunto cos belgas  ‘Okidok’ completan o cartel unha produción nacional e outras once galegas, con ampla representación do talento local.