BARBANZA

Mal inicio da campaña da vieira en Rianxo sen apenas recurso na ría. Ta só unha decena de embarcacións saíron nesta primeira xornada na que os quilos capturas nin se achegaron ó tope de capturas, establecido en 35 quilos por tripulante.

O alcalde de Ribeira saíu ó paso da polémica xerada tralo abandono do pleno dos edís populares e posteriores acusacións sobre fallas de respecto. Luís Pérez Barral fai un chamamento á oposición para rebaixar o clima de crispación política en beneficio de tódolos ribeirenses.

Ribeira renova o seu compromiso coas entidades que traballan no municipio en beneficio da sociedade. Esta mañá tiña lugar o acto de sinatura dos convenios con asociacións e fundacións que suporán un investimento próximo ós 850.000 euros

Ós pobrenses que este Nadal realicen as súas compras na praza de abastos poden saírlle de balde as ceas de Noiteboa ou Noitevella. O concello volve poñer en marcha a campaña das caramiñas no mercado coa que premiará a fidelidade dos clientes da praza con dous sorteos que repartirán un total de 2400 euros.

A corporación municipal de Ribeira aprobou a pasada tarde a concesión da medalla de ouro á confraría de pescadores de Carreira e Aguiño. Foi no transcurso dun pleno extraordinario onde a unanimidade foi a tónica dominante. Non así a sesión ordinaria celebrada a continuación na que un desencontro entre o alcalde e a voceira do PP motivo que os edís populares abandonaran o pleno.

Este domingo arranca unha nova edición da campaña de Nadal Caramiñas na Pobra. Para participar tan só é preciso compartir en redes unha foto nalgún recundo do municipio decorado con motivos navideños. Os que o fagan entrarán no sorteo de 200 euros diarios e unha viaxe a Disney.

O campo municipal de Vista Alegre acollerá o vindeiro 15 de decembro, ás cinco da tarde, un partido de fútbol que enfrontará a curas contra garda civís.

Unha chamada á Policía Local de Rianxo alertando da existencia dun vehículo realizando manobras estrañas por diferentes rúas do casco urbano, circulando incluso por dirección contraria, mobilizou ós axentes, que iniciaron un operativo de busca para tratar de localizalo. Interceptárono na zona do Pazo.

A cooperativa de armadores de Santa Uxía de Ribeira organizou unha xornada divulgativa sobre a pesca no IES Número 1. Ademais de charlas sobre o sector profesional, desenvolveuse un concurso de preguntas sobre pesca e nutrición e unha degustación de peixe.

Boiro converterase esta fin de semana no epicentro do comercio do Barbanza ó facer coincidir o Black Friday cunha edición especial da Noite Aberta. Os 32 establecementos participantes ofrecerán interesantes descontos. Haberá tamén animación de rúa, sorteos, agasallos e un chocolate con churros para os 600 primeiros tickets de compra que se entreguen na carpa da ABE.