BARBANZA

O concello da Pobra presentou a súa oferta turística para este verán. Experiencias mariñeiras, natureza, paisaxe e patrimonio concentran boa parte das actividades das que poderán gozar os numerosos visitantes que se acheguen ata o municipio.

A sétima edición da Feira do Automóbil Híbrido e Eléctrico de Ribeira pechou as súas portas cun balance do máis exitoso. Ó gran volume de visitantes que se achegaron ata a praza de España durante a fin de semana engadiuse o elevado índice de vendas que roldou o 25 por cento.

Vinte alumnos inician hoxe a súa formación no obradoiro de emprego de Boiro. Durante nove meses impartiranse os módulos de carpintería e xestión forestal a través dun programa teórico-práctico que lles permitirá obter un certificado de profesionalidade. A Xunta inviste neste programa preto de 500 mil euros.

A Confraría de Aguiño vén de ofrecer un recoñecemento a Miguel Abraldes, autor da maqueta dunha dorna conmemorativa do Centenario da entidade.  O obxectivo desta sinxela homenaxe é recoñecer a súa fonda vinculación co pósito do que formou parte non só como socio senón como membro da xunta xeral

A decimo cuarta edición do programa Ludieduca chegou á súa fin cunha gran festa de clausura en Boiro. Os nenos de terceiro de primeira de tódolos colexios de Boiro e A Pobra participaron nesta iniciativa de educación en valores que promoven Jealsa e Cruz Vermella

Mimarte e Ambar sumarán esforzos co fin de recadar fondos para as vivendas inclusivas da entidade. Será  a través dun festival solidario que se celebrará o 26 de xuño no auditorio de Ribeira.

O concello de Boiro arrancará a próxima semana tendo como protagonista o viño. O luns 15 desenvolverase no Lab Barbanza de Espiñeira unha xornada técnica para profesionais baixo o título ‘Experiencias Boviño’. Xa o martes terá lugar un encontro das Indicacións Xeográficas Protexidas no Pazo de Goiáns.

A Pobra segue a apostar por eventos que atraían visitantes ó longo de todo o ano. A finais deste mes de xuño terá lugar unha nova edición da Choqueirada de Verán con animación musical a cargo de varios grupos e unha sesión DJ

A Asociación Boirense de Empresas celebrará este sábado unha nova edición da Noite Aberta inspirada no eclipse solar. Ademais do reparto de gafas homologadas para observar o evento astronómico, sortearanse diversos agasallos entre os clientes dos establecementos participantes.

A Comisión pola Recuperación da Memoria Histórica do Barbanza presentará este venres en Ribeira o libro sobre os irmáns Enrique e Manuel Fernández Sendón. O acto terá lugar a partir das oito da tarde no Centro Cultural Lustres Rivas e contará coa presenza dun dos autores da publicación, Xosé Luís Axeitos.