BARBANZA

O Pazo de Goiáns, en Boiro, acollerá este domingo a terceira edición do Recital Poético María Mariño. Desenvolverase en días sesións nas que participarán unha trintena de poetas.

O próximo luns abrirá o prazo de inscrición nas escolas deportivas de verán de Ribeira. Nesta edición ofertaranse preto de 600 prazas en 11 disciplinas, incluídas as actividades náuticas.

O grupo hoteleiro Alda amplía a súa presenza no Barbanza coa apertura dun novo establecemento en Corrubedo. Hoxe tiña lugar a inauguración oficial coa presenza do director xeral de Turismo de Galicia quen destacou o auxe turístico que está a experimentar a comarca do Barbanza que cada ano incrementa o número de visitantes grazas ós seus valiosos recursos e a súa vinculación co Camiño de Santiago.

O concello de Ribeira participará este ano con stand propio na Feira das Festas de Interese Turístico de Galicia que se celebra en Silleda do 4 ó 7 de xuño. Centrarase na promoción das dúas citas que contan con este distintivo no municipio: a festa da Dorna e a exaltación do percebe de Aguiño.

O executivo boirense vai acometer nos próximos meses diversos proxectos de mellora en varios centros sociais do municipio. Dúas destas actuacións, xa en proceso de licitación, son a reparación da cuberta do centro social de Cabo de Cruz e a mellora da eficiencia enerxética en Cures.

A oposición de Ribeira solicita a convocatoria dun pleno extraordinario para analizar as consecuencias económicas e xurídicas da ilegalización da gasolineira de Xarás. BNG, PSOE e non adscritos piden que se depuren responsabilidades políticas ante os preto de catro millóns de euros que pode custar o procedemento ás arcas municipais.

Máis de 350 participantes e 10 mil euros recadados. Estas cifran resumen o éxito da décima andaina solidaria de Congalsa. A empresa fixo entrega hoxe dos fondos conseguidos ás cinco entidades beneficiarias.

O concello da Pobra volverá ofertar este verán viaxes en catamarán ás Illas Atlánticas. As saídas ás Illas Cíes, Ons e Sálvora estarán organizadas pola empresa Piratas de Nabia.

Boiro terá esta fin de semana unha dobre cita co taekwondo. Organziado polo Club Malamía, en colaboración coa Federación Galega de Taekwondo e Concello, e co patrocinio de Jealsa, celebrarase o sábado o Campionato Galego Exhibición de Hapkido e o domingo o Campionato Galego Escolar de Combate.

Por terceiro ano consecutivo, a Comisión de Festas de Exipto organizará unha foliada popular. Será este sábado na contorna do Centro Social de Abanqueiro e contará cunha ducia de agrupacións musicais tradicionais así como o DJ Jalaiko.