BARBANZA

O Cine Elma da Pobra acollerá o próximo 6 de xuño un concerto da Unidade de Música do Cuartel Xeral do Mando de Apoio á Manobra. Esta actividade, enmárcase no programa de actos conmemorativos que se están a desenvolver co gallo do Día das Forzas Armadas.

As familias de Ribeira volverá dispoñer dunha oferta de conciliación para este verán. O concello organiza un campamento para que os nenos de 3 a 12 gocen dunha alternativa de lecer durante o período non lectivo.

O concello de Boiro destinará máis de 1’2 millóns de euros do remanente de tesourería a diversas obras. O goberno local levará mañá a súa proposta a pleno que destina máis de medio millón de euros a proxectos de pavimentación.

O torneo, dividido nas dúas próximas fins de semana, reunirá no estadio municipal da Fieiteira, en Ribeira, a un total de 71 equipos de fútbol base, non só da comarca, senón tamén de distintas localidades de toda Galicia.

Ribeira vén de incorporarse á rede de espazos sen fume da Asociación Española contra o Cancro. A través dun convenio subscrito entre esta entidade, a asociación Renacer e o concello, o parque das Abesadas a e súa contorna foi declarado espazo libre de fume e vapeadores.

 Esta mañá presentábase en Ribeira a quinta edición do Campionato de Futvolei. O torneo, aberto a tódolos afeccionados a este tipo de deporte, terá lugar o sábado 6 de xuño na praia de río Azor.

Esta semana comezaban as obras de restauración da antiga fábrica de salgadura do Touro en Ribeira. Esta actuación forma parte do proxecto ‘Viaxe a través dos sabores’ que promove a Mancomunidade Barbanza Arousa no marco do Plan de Sostinibilidade Turística en Destino. Os traballos consistirán na consolidación e rehabilitación da antiga factoría, secadoiro de polbo e vivendas, así como a súa musealización.

A Pobra acolleu esta mañá o acto de entrega de premios da campaña Merca no teu comercio desenvolvida durante a primeira quincena de maio tanto na localidade pobrense como no Porto do Son e Portosín. En total foron 20 os premiados que recolleron os seus vales de compra valorados en 50 euros.

Ribeira segue a incrementar o seu catálogo de documentos históricos grazas á doazón dun veciño de Corrubedo. Francisco Otero Lijó entregou ó concello dun diploma de Salvamento de Náufragos datado en 1911.

Un mes despois do anuncio da cesión do contrato das obras da travesía de Palmeira,a nova  adxudicatario tomou posesión da obra. Esta mañá comezaban coa instalación da maquinaria e caseta de obras para retomar os traballos e poñer fin ás molestias que denunciaban veciños e empresarios da zona.