Conclúen con éxito as obras de consolidación do paseo dos Areos
Concluídas as obras de consolidación do paseo marítimo dos Areos acometidas pola vía de emerxencia ante o risco de colapso da estrutura. O alcalde da Pobra e a concelleira de Obras supervisaron esta mañá o resultado dos traballos.
AMICOS apoia a inserción laboral de persoas vulnerables a través dos seus itinerarios formativos
AMICOS segue a promover a capacitación laboral das persoas con discapacidade ou en risco de exclusión social a través de diferentes itinerarios formativos. Co apoio económico da Dirección Xeral de Inclusión Social, o pasado ano favoreceu a formación de 150 persoas das cales preto dun 30 por cento conseguiron acceder a un posto de traballo.
BarbanTEA organiza en Rianxo unha xornada formativa sobre autismo
BarbanTea organiza a súa primeira xornada formativa en Rianxo. Será este sábado a cargo de Anabel Cornago quen abordará varios aspectos relacionados coa regulación no autismo. Xa están inscritas máis de 160 persoas.
A mocidade de Ribeira disporá dunha ampla oferta formativa na Casa da Xuventude
Ribeira reforza a súa oferta formativa para a xente moza cun programa flexible de cursos que favorecen a adquisición de coñecementos. Impartiranse na casa da Xuventude en diferentes modalidades e formatos.
Rianxo acolle as xornadas formativas da Rede de Voluntariado Náutico Seguro
Rianxo acollerá esta fin de semana unhas xornadas formativas para voluntariado en deportes náuticos. Os asistentes recibirán un título que os habilita para participar na organización e desenvolvemento de probas deportivas no mar con seguros e desprazamentos cubertos pola Federación Galega de Piragüismo.
Rianxo acorda a cesión dos terreos á Deputación para a futura residencia
A corporación rianxeira acordou no pleno celebrado onte á noite a cesión á Deputación da Coruña da parcela situada en Rianxiño para construír alí a casa de acompañamento de persoas maiores. Dáse así un paso importante para conseguir este importante servizo para o municipio que contará con preto de 60 prazas.
Inclusión e deporte volverán ir da man na Carreira pola Diversidade de AMBAR
Inclusión e deporte son os valores principais que promove a Carreira pola Diversidade de Ambar que se celebrará o 10 de maio en Ribeira. Os fondos recadados nestas proba solidaria destinaranse ó financiamento do Ecosistema de Vivendas inclusivas da entidade.
O Barbanza berra contra a precariedade na atención primaria
Coincidindo coa conmemoración do Día Mundial da Atención Primaria, o Barbanza sumouse á convocatoria de mobilización de SOS Sanidade Pública para toda Galicia. Esixen máis medios e recursos para garantir unha asistencia de calidade en primaria, evitando así sobrecargar o sistema.
Rematada a terceira fase do saneamento do Conchido
Concluída a terceira fase das obras de saneamento no lugar do Conchido na Pobra. A instalación da rede separativa de saneamento e pluviais dará servizo ás numerosas vivendas na zona e evitará a emisión de vertidos ó mar.
Aparece un cadáver encadeado no porto de Ribeira
A Policía Nacional investiga a aparición dun cadáver no porto de Ribeira. O corpo foi achado esta mañá amarrado cunha cadea a unha escaleira de baixada. Polo momento, non se descarta ningunha hipótese.
