Recoñecemento público á Policía Local da Pobra pola súa decisiva intervención na operación Saona
A Policía Local da Pobra recibía este mediodía un merecido recoñecemento polo seu labor na operación Saona contra o narcotráfico. A súa intervención foi decisiva para interceptar o alixo de 3’6 toneladas de cocaína así como na detención dos tres tripulantes do narcosubmarino que transportou a droga.
Moito teatro e algunha sorpresa nas XXVII Xornadas Valle-Inclán da Pobra
Este sábado arrancarán na Pobra as Xornadas en Homenaxe a Valle-Inclán. Durante un mes desenvolveranse todo tipo de actividades culturais para poñer en valor a figura deste escritor universal. O teatro cobrará especial peso nesta 27ª edición das xornadas organizadas polo Museo da Pobra e o Museo que leva o nome do autor.
A ARE fará latexar o comercio de Rianxo como corazón da vila
A Asociación Rianxeira de Empresarios pon en marcha a campaña de dinamización comercial. ‘Rianxo Latexa’. Desenvolverase ó longo desta semana cun amplo programa de actividades encamiñadas a incentivar as compras no comercio local. Os participantes entrarán no sorteo de tres vales de compra de 500 euros cada un.
A Gladiator Race chega a Rianxo
Gladiator Kids chega tamén a Rianxo. A proba, presentada esta mañá no Concello, terá lugar este vindeiro sábado 18, a partir das catro e media da tarde na praza Castelao. Será unha carreira de obstáculos para nenos de 3 a 12 anos, sen un fin competitivo. Todo o recadado a través das inscricións será destinado a Asanog, a Asociación de Axuda a Nenos Oncolóxicos de Galicia.
A PDRA denuncia vertidos contaminantes na Pobra e esixe á Xunta medidas contundentes
A Plataforma en defensa da Ría de Arousa denuncia, xunto con outros 23 colectivos do mar, a existencia de vertidos recorrentes na Pobra. Esixen á Xunta de Galicia a adopción de medidas preventivas para evitar estas prácticas así como sancións máis duras para disuadir ós infractores.
A Pobra convoca o IX Concurso Fotográfico sobre Micoloxía
O concello da Pobra convoca a novena edición do Concurso Fotográfico de Micoloxía. O prazo para participar estará aberto ata o día 2 de novembro. Os aspirantes poderán presentar un máximo de dúas instantáneas.
Mariola Sampedro fai historia e convértese na primeira alcaldesa de Ribeira
E como estaba previsto, na votación non houbo sorpresas. A candidata do PP, Mariola Sampedro, obtivo o respaldo de 13 dos 21 concelleiros que integran a corporación municipal. Tras recibir o bastón de mando do anterior alcalde, Mariola Sampedro, foi proclamada alcaldesa.
Prospera a moción de censura contra Luís Pérez Barral
Relevo na alcaldía de Ribeira. A popular María Sampedro foi elixida alcaldesa tras prosperar a moción de censura contra Luís Pérez Barral, nun pleno cargado de tensión onde foron constantes as interrupcións por parte de numeroso público asistente.
Miles de persoas forman unha cadea humana en defensa da sanidade pública
Obxectivo case cumprido. A Plataforma pola Sanidade Pública do Barbanza conseguiu implicar á cidadanía na cadea humana formada este sábado entre o centro de saúde de Ribeira e o hospital comarcal. Preto de 5000 persoas participaron nesta reivindicación que estivo a piques de completar o percorrido.
Ribeira formaliza o acordo que permitirá a compra da antiga nave de Cerqueira
Ribeira formalizou esta mañá o acordo para a compra da antiga fábrica de Conservas Cerqueira, emprazada no barrio de Bandourrío. Péchase así o expediente para a adquisición deste edificio, patrimonio industrial, para que pase a engrosar o erario municipal.
