BARBANZA

A ANPA do CEIP Ana María Diéguez de Asados retomou as mobilizacións para demandar a incorporación de profesora de cara ó curso que está a piques de comezar. Reclaman a incorporación dos especialistas en PT e AL a tempo completo así como o desdobre da aula de quinto cunha ratio de 28 alumnos.

Éxito de participación nas Xornadas Deportivas de Jealsa que celebraron este pasado xoves a súa segunda edición. Na iniciativa, dedicada este ano ós deportes náuticos, colaboran o Club de Remo Cabo de Cruz, a Escola Náutico Deportiva de Boiro e o Club de Piragüismo Rías Baixas, sacando á rúa os seus equipos.

Un incendio rexistrado nun garaxe causou importantes danos nunha vivenda situada no lugar dos Areeiros, en Ribeira.  Ademais das perdas materias, tres dos ocupantes do inmoble tiveron que ser trasladados ó Hospital do Barbanza por inhalación de fume aínda que o seu estado non revestía gravidade e xa foron dados de alta.

Unha semana máis, coma cada xoves, nova concentración da Plataforma en Defensa Sanidade Pública do Barbanza ás portas do centro de saúde de Ribeira. Na mobilización desta mañá participaron máis de medio cento de veciños que reclaman a cobertura total das prazas de médico neste ambulatorio.

Chega a Ribeira unha nova edición do Festival ‘Salsa na Rúa’. A actividade, organizada pola Asociación Cultural e Recreativa Haveira e a escola El Tomasón, terá lugar os días 29 e 30 deste mes de agosto. A cita reunirá a máis de 130 bailaríns.

Este sábado arranca a campaña da Asociación Boirense de Empresas: ‘Boiro, compras con corazón’. Segundo informaron dende a propia patronal trátase da campaña máis ambiciosa da súa historia. Prolongarase durante unha semana, ata o 23 de agosto, e nela combinaranse actividades de dinamización comercial e programación cultural.

Mañá venres arranca na Pobra unha nova edición de ‘Comercio á Rúa’. A iniciativa comercial desenvolverase durante toda a fin  de semana na praza do Emigrante. Os establecementos participantes sacarán os seus produtos e servizos á rúa. Tamén haberá actividades de animación.

Falece un condutor en Boiro tras precipitarse co seu coche ó río Coroño. O suceso producíase ó redor das tres e media da mañá na ponte de Runs. Á súa chegada, os equipos de emerxencia tan só puideron certificar a súa morte. Tiña 35 anos e era veciño da localidade pontevedresa de Arbo, aínda que dende hai algún tempo residía en Boiro.

A patronal ribeirense segue no seu empeño de levar adiante o novo polígono empresarial co fin de dar resposta á elevada demanda de chan industrial da localidade. O presidente da entidade, Francisco Martínez, insiste na necesidade de que o Concello cumpra co acordado e adquira dunha vez os terreos pendentes para levar a cabo a dita actuación.

Pero a comarca do Barbanza foi tamén mexillón, coa celebración da catorce edición da Festa de Exaltación do Mexillón de Rianxo. A cita foi de novo un éxito, superando tódalas expectativas da organización, a Asociación Gastronómica e Cultural da Festa do Mexillón de Rianxo, repartíndose unhas catro mil racións deste bivalvo. Off A carpa instalada no Campo de Arriba quedouse pequena para dar acubillo ás numerosas persoas que se achegaron a Rianxo para asistir á Festa do Exaltación do Mexillón. A cita gastronómica, organiza pola Asociación Gastronómica e Cultural da Festa do Mexillón de Rianxo e o Club de Remo da localidade, en colaboración co Concello e a Xunta de Galicia, resultou todo un éxito. --inserto Repartíronse unhas catro mil racións de mexillón preparadas de distintas maneiras, aínda que ó vapor, ó xeito tradicional, foi unha vez máis a que trunfou entre os asistentes. --insertos Entre as autoridades presentas na festa, tamén se atopaba a conselleira do mar, Marta Villaverde, que non quixo faltar a esta cita gastronómica, apoiando ó importante sector mexilloeiro da localidade e por extensión ó da comarca, cunha base moi sólida na economía local. Pero o verdadeiramente importante é que ademais de ser unha cita gastronómica de interese turístico, a festa ten tamén outro importante obxectivo, e ese non é outro que recadar fondos para o Club de Remo da localidade.