BARBANZA

O departamento de Turismo de Ribeira programa ó longo deste verán un ciclo de cine mudo. O visionado de grandes clásicos cinematográficos terá un atractivo engadido posto que se desenvolverá en areais da contorna.

RIANXO> O executivo rianxeiro segue co seu plan de mellora de servizos coa licitación de varias actuacións que teñen coma principal finalidade a ampliación da...

Os veciños da parroquia boirense de Bealo presentan unha nova edición, a cuarta, da súa Muíñada. A cita terá lugar este vindeiro domingo á partir das cinco da tarde cun amplo programa de actividades nas que se inclúen exposicións, música e baile popular e ata unha merenda popular.

Como cada xoves, a plataforma pola Sanidade Pública do Barbanza volveu demandar médicos ás portas do centro de saúde de Ribeira. Esta mobilización coincide coas convocadas en outros puntos de Galicia por SOS Sanidade Pública para denunciar a precariedade nos servizos de atención primaria e o incremento das listas de agarda.

Aguiño celebrará a oitava edición do Festival Sons organizado pola Asociación Francisco Lorenzo Mariño. Contará coa actuación conxunta dos grupos Bailadela e Sete Linguas e o peche correrá a cargo de Pan Sen Fron, como agrupación convidada.

O concello de Ribeira e Portos de Galicia tentarán achegar posturas trala polémica sobre o emprazamento das atraccións das festas. Este venres está prevista unha xuntanza entre responsables de ámbalas dúas administracións para buscar alternativas que permitan a instalación dos postos.

Os ribeirenses disporán este verán dunha ampla oferta de cursos de informática. Ademais dos programas de iniciación e perfeccionamento para adultos, haberá tres campamentos dixitais dirixidos á mocidade.

Ribeira quenta motores para unha nova edición da Feira do Automóbil Híbrido e Eléctrico. A cita que chega este ano a súa sexta edición, desenvolverase entre o 20 e 0 22 deste mes de xuño. Celebrarase como é costume na praza de España coa participación dun total de trece marcas.

A Asociación de Empresarios de Ribeira demanda o mantemento dun paso de peóns entre a praza do Centenario e Miguel Rodríguez Bautista. O proxecto de reforma integral deste espazo contempla tan só un paso central, obrigando ós viandantes a dar un rodeo considerable para pasar dunha beirarrúa a outra.

Uns 150 corredores tomarán parte na carreira ‘El Canario’ 5K que se disputará en Ribeira o 22 de xuño. Ademais da categoría absoluta haberá modalidade por parellas e zapatilla inclusiva así como probas para os máis pequenos.