A Pobra

O concello da Pobra comezará mañá o curso cos deberes feitos. Ademais das tarefas de mantemento habituais, executáronse tres actuacións extraordinarias para poñer a punto o Fernández Varela e as unitarias da Angustia e da Granxa.

O concello da Pobra volverá facilitar a conciliación das familias coa posta en marcha dos servizos de Madruga e Comedor. Os interesados en solicitar praza xa o poden facer a través da sede electrónica ou no rexistro xeral do concello. Desenvolveranse durante todo o curso nos centros de educación infantil e primaria do municipio.

Prisión provisional, comunicada e sen fianza. A xuíza do Xulgado de Primeira Instancia de Ribeira, en funcións de garda, que está a levar o caso do alixo de cocaína intervida esta fin de semana na Pobra, na zona do Conchido, tomou esta decisión despois  de collerlle declaración ós tres, polo de agora, únicos detidos nesta operación.

Esta mañá pasaban a disposición xudicial nos xulgados de Ribeira os tres detidos no marco da operación policial levada a cabo esta pasada fin de semana na Pobra, na zona do Conchido, que permitiu a intervención duns 1.400 quilos de cocaína. Os tres están acusados de varios delitos, entre eles o de pertenza a organización criminal e tráfico de drogas.

Continúan as concentracións pola sanidade pública no Barbanza. En Aguiño seguen a reclamar a cobertura das baixas mentres que na Pobra suman a esta reivindicación a necesidade de contar cun PAC en quenda de tarde.

Aínda coa resaca do Carme dos Pincheiros, o concello da Pobra presentou xa o cartel das Festas do Nazareno que se celebrarán entre o 18 e o 21 de setembro. A cita central será o domingo coa tradicional procesión das mortallas que atraerá a miles de devotos ata o municipio.

A Pobra puxo hoxe o broche de ouro a unhas das súas festas grandes O Carme dos Pincheiros encheu de música e animación o municipio durante toda a fin de semana cos seus Xigantes e Cabezudos como emblema destas celebracións.

A Pobra prepárase estes días para vivir unha das súas citas festivas do verán, o Carme dos Pincheiros. Os festexos desenvolveranse do 14 ó 17 de agosto cunha extensa programación dirixida a satisfacer a todo tipo de públicos, dende pequenos a maiores.

Susto na Pobra esta madrugada cando un vehículo caeu ó mar na na rotonda do porto deportivo. Afortunadamente o condutor, que resoltou ileso, puido saír polos seus propios medios. Tanto o suceso como a retirada do turismo causaron grande expectación.

Tras habilitar zonas reservadas para residentes no Lagar, o concello da Pobra procedeu a alugar unha parcela na zona para estacionamento libre. Operarios municipais ultiman estes días os traballos de acondicionamento para a posta en marcha do novo aparcadoiro.