Noia

Noia pechou con éxito a 25 edición da súa Mostra de Curtas. Este sábado, o Coliseo Noela acolleu a gala final coa entrega de premios. Tribu, de Carlos Gómez-Trigo, fíxose co galardón á mellor produción mentres que o premio honorífico recaeu na actriz Marisa Paredes.

A noiesa Carmen Miguéns resultou gañadora do premio de mil euros da campaña da Federación Galega de Comercio. O único requisito era gastar todo o importe nunha soa tarde. Bastáronlle dúas horas para esgotar o créditos en distintos establecementos do comercio noiés.

O salón de plenos noiés acollía hai uns días a recepción oficial ós integrantes do Club ITF, trala súa participación, na localidade inglesa de Hatfield, no Campionato de Europa da ITF Unión. A delegación do club noiés, que formaba parte do combinado nacional, estivo formada por un total de 17 loitadores.

O executivo noiés saca peito tras recibir a sentenza do xulgado que sinala inaplicable a relación de postos de traballo tras a reclamación realizada no seu día polo sindicato CSIF. O fallo, sobre o que cabe recurso, dálle a razón ó Concello, cando afirmaba que no orzamento de 2024 non se podía contemplar esta actualización, o que deu lugar á moción de confianza.

A vila de Noia acollerá esta vindeira fin de semana, nas xornadas do sábado e o domingo pola tarde, o Campionato Galego de Boxeo en categoría Junior e Xoven. A cita coincidirá tamén coa organización dunha nova velada de boxeo do Club de Loita Noia que terá lugar o sábado a partir das oito da tarde.

Volta á actividade marisqueira na ría de Noia despois do parón obrigado pola toxina. Os profesionais de a pé e de a flote confían en que a apertura se manteña, e non se vexa afectada de novo pola marea vermella.

O BNG de Noia propón a realización dunha auditoría externa do Concello. A solicitude formulada polos nacionalistas responde á necesidade de analizar os actuais procedementos de xestión, para ver se estes se realizaron conforme á legalidade.

En Noia, despois da tempestade vivida no último pleno, ó non prosperar a cuestión de confianza presentada polo alcalde, Santiago Freire, ligada á aprobación definitiva dos orzamentos, a situación no Concello vívese con relativa normalidade. Aínda así, estase á espera de que se cumpra o prazo dun mes para a presentación dunha posible moción de censura, algo que a día de hoxe parece improbable, basicamente porque non dan os números.

Arranca un novo curso no conservatorio profesional de música Felipe Paz de Carbajal de Noia. A dirección aproveitou para presentar a programación anual do centro, na que se inclúe un concerto aberto ó mes dende outubro a xuño no coliseo Noela. O primeiro deles será xa este xoves 24, ás oito e media da noite.

O BNG volverá a levar ó Parlamento unha iniciativa para instar á Xunta a regular dunha vez o baleirado e limpeza dos encoros. Os nacionalistas pretenden así evitar os danos que estas prácticas, bastante habituais por parte das empresas hidroeléctricas, coa chegada das chuvias, poden causar ós bancos marisqueiros.