Outes

Francisco Calo é o novo alcalde de Outes tras prosperar a moción de censura contra o xa ex rexedor Manuel González. No pleno celebrado esta mañá vivíronse momentos de gran tensión, especialmente durante a intervención de Tono Caamaño.

Un informe xurídico elaborado pola secretaria municipal de Outes afirma que o edil Tono Caamaño, unha vez ratificada a súa expulsión do Partido Socialista, deberá pasar á condición de concelleiro non adscrito, polo que non poderá formar parte do goberno que xurda da moción de censura nin tampouco recibir salario algún do Concello.

A escasos días da celebración do pleno da moción de censura, o goberno de Outes fixo un balance das actuacións levadas a cabo ó longo do presente mandato, algunhas delas xa concluídas, outras a piques de facelo, e outras cunha tramitación moi avanzada. Supoñen máis de medio cento de obras cun valor estimado de máis de 2’4 millóns de euros.

Outes dispón xa da primeira vivenda social municipal. Está emprazada na antiga vivenda do mestre, na unitaria do Bosque. A actuación supuxo un investimento de preto dos 85 mil euros.

Aínda que é improbable que cheguen a tramitarse, o goberno de Outes presentou esta mañá a súa proposta de orzamentos para este 2025. Faino a escasos días da celebración do pleno da moción de censura, polo que, con toda seguridade, o goberno saínte, os retirará da orde do día do pleno ordinario deste mes de febreiro, convocado para o xoves 28.

Outes celebrará o entroido coa súa cita máis tradicional. O enterro da sardiña congregará ós veciños o mércores de cinza na praza de Galicia. Celebrarase tamén o concurso de disfraces que repartirá preto de tres mil euros en premios.

O BNG levará de novo ó Parlamento unha iniciativa para reclamarlle á Xunta a elaboración dun regulamento de baleirado e limpeza daqueles encoros que son da súa competencia. Os nacionalistas insisten na afección negativa que estas prácticas producen na actividade produtiva das rías.

O concello de Outes sumouse este ano ós actos convocados pola Fundación Rosalía de Castro e Hostelería.gal para conmemorar o nacemento da escritora. En colaboración coa hostalería local ofrecerán ‘caldo de gloria’ de tapa a última fin de semana de febreiro.

Superada a sorpresa inicial causada pola presentación da moción de censura, os responsables do goberno de Outes expuxeron as súas reaccións ante esta manobra que, previsiblemente, os afastará do concello. O pleno para aprobar a moción e investir ó novo alcalde celebrarase o 25 de febreiro.

Moción de censura á vista en Outes. Esta mañá o Partido Popular e o edil díscolo do Partido Socialista, Tono Caamaño, que a pasada semana decidira abandonar o goberno tripartito, presentaron a proposta para un cambio de goberno. A nova caeu coma unha bomba, xa que ninguén presaxiaba este xiro de guión.