NOIA

A Conselleira do medio Rural desprazouse esta mañá ata Noia para coñecer as novas instalacións do albergue da Chaínza. A reforma do inmoble contou cunha achega de 200  mil euros xestionada a través do Grupo de Desenvolvemento rural DELOA con fondos LEADER.

O Conselleiro do Mar desprazouse ata a confraría de Porto do Son para participar nas actividades formativas que está a impartir a Xunta. Un total de 17 entidades do sector resultaron beneficiarias destas axudas que financian preto dun cento de cursos.

A iniciativa xorde da man dun grupo de amantes do sétimo arte co apoio da concellería de Cultura. As proxeccións iniciaranse xa o vindeiro 11 de maio no Coliseo Noela e prolongaranse ata o 8 de xuño, grazas tamén á colaboración de Cine Numax, encargado do deseño da programación.

A concellería de Turismo de Noia e a asociación Noia Histórica volven ir da man na organización das visitas guiadas durante esta Semana Santa. Con esta actividade, con gran demanda, buscan poñer en valor o patrimonio histórico da vila, e ó mesmo tempo promocionar os negocios locais.

A concellería de Cultura de Noia vén de poñer á venda as entradas para unha nova edición do Estival Fest. A cita será o vindeiro 17 de maio e o cartel do festival compóñeno dúas bandas con moito tirón na comarca como é o caso de Heredeiros da Crus e Monolius Dop.

A Garda Civil desmantelou un punto de venda de droga en Noia no marco da denominada operación Obremark. A investigación saldouse coa detención dunha persoa e o comiso de 90 gramos de distintas substancias, ademais de dúas pistolas de aire comprimido e preto de cinco mil euros en moeda fraccionada.

A concellería de Cultura de Noia presentou esta mañá o cartel das festas do San Marcos. Os festexos celebraranse do 25 ó 27 de abril. Como é tradición a feira cabalar será un dos gran atractivos do programa, cos concursos morfolóxicos e de andadura nos que se repartirán máis de catro mil euros en premios.

O concello de Lousame deseñou unha ampla programación cultural para os meses de abril e maio. Os nenos serán os principais destinatarios destas actividades organizadas pola Axencia Infantil Municipal de Lectura.

A Garda Civil de Tráfico denunciou a un mesmo condutor en Noia por infrinxir as normas de seguridade vial ata en dúas ocasións en menos de dúas horas. Circulaba sen permiso de circulación e duplicando a taxa de alcol permitida.

A subdelegada do Goberno na Coruña, María Rivas, visitou esta mañá os concellos de Lousame. A visita respondía á rolda de contactos que a representante do Goberno Central está a manter cos concellos da provincia. Na visita fixo alusión á aposta do Goberno por dotar ó rural galego de máis e mellores servizos que axuden a fixar poboación.