Porto do Son

A Xunta de Galicia executará unha senda peonil na AC-550 á saída do núcleo de Portosín. O proxecto, que hoxe mesmo saíu a exposición pública, implicará a expropiación de 26 parcelas cunha superficie total de 687 metros cadrados. O investimento para a súa execución supera os dous millóns e medio de euros.

O Real Club Náutico de Portosín acollerá a vindeira fin de semana, do 8 ó 10 de maio, o Campionato de España da Clase ILCA na categoría master. Na cita participarán ó redor dun cento de regatistas chegados dende diferentes clubs de todo o ámbito nacional.

A Consellería de Política Social inxectará máis de 600 mil euros para o financiamento do Servizo de Axuda no Fogar no Porto do Son. O alcalde a conselleira mantiveron unha xuntanza para avaliar as vantaxes que implicará este incremento de fondos na prestación do servizo.

O presidente da Xunta desprazouse esta mañá a Porto do Son para facer entrega de doce furgonetas ó Servizo de Gardacostas de Galicia. Durante o acto, no que estivo acompañado pola conselleira do Mar, Marta Villaverde, destacou esta nova adquisición por parte da Xunta, que permitirá modernizar a flota de vehículos para reforzar o servizo de vixilancia por terra.

A conselleira do Mar mantivo esta mañá un encontro con representantes da confraría de Porto do Son. Ademais de visitar as instalacións da lonxa, analizou co patrón algúns proxectos de próxima execución como a posta en marcha dunha aula formativa para garantir a remuda xeracional.

Carlos Lorenzo e Andrea Vázquez foron os gañadores absolutos do Portosín Trail, modalidade longa de 21 quilómetros, mentres que Yeray Lorenzo e Marta Vázquez vencían na distancia curta de 15. A proba, disputada onte domingo, pechaba o Circuíto Trail Series 2026 organizado por Arousa Neo.

A localidade sonense de Portosín acollerá este próximo domingo, 22 de febreiro, o Portosín Trail. Na proba, incluída no Circuíto Trail Series Arousa Neo, prevese unha participación de máis de 350 persoas, repartidos no trail longo, o curto e a andaina.

Belén do Campo aproveitou tamén a súa visita en Porto do Son para coñecer o investimento realizado por un taxista do municipio, beneficiario das axudas autonómicas para adaptar o seu vehículo para persoas con mobilidade reducida.

A delegada territorial da Xunta na Coruña desprazouse ata Porto do Son para coñecer os investimentos realizados con cargo ó Fondo de Compensación Ambiental. O concello destinou os preto de 80 mil euros que lle corresponden á adquisición dun vehículo con grúa para actuacións de protección do medio ambiente.

A conselleira do Mar, Marta Villaverde, segue coa súa rolda de visitas polas confrarías galegas. Hoxe tocoulle a quenda ás de Portosín e Porto do Son. Nos encontros mantidos coas xuntas directivas de ambos pósitos, a titular do Mar puido coñecer de preto as principais necesidades das dúas confrarías, moitas delas relacionadas coa mellora das infraestruturas portuarias.