Barbanza - Muros - Noia

Para celebrar o día de Santa Icía, o concello de Ribeira programou unha serie de concertos ó longo das próxima semanas. Ademais do alumnado do conservatorio, haberá actuacións da Coral Polifónica e da Rondalla de Aguiño.

Tres murais de gran formato pasarán a formar parte da paisaxe de Ribeira trala posta en marcha do Festival de Muralismo Salmoira. Nesta primeira edición, tres artistas deixarán a súa pegada en fachadas da rúa de Galicia, Abesadas e BAndourrío.

O PP de Ribeira proporá ó executivo que conceda a medalla de ouro do concello á confraría de Aguiño. Así llo comunicou a voceira dos populares ó patrón maior e outros representantes do pósito nunha xuntanza mantida a pasada tarde para interesarse polas principais necesidades desta entidade.

O concello de Lousame pon en marcha a campaña ‘Quérenme ben’ a través das redes sociais para conmemorar o Día Internacional contra a Violencia de Xénero. Para animar á participación, haberá varios premios a sortear entre os que realicen as súas achegas.

O PP de Ribeira arremete contra a xestión do executivo municipal tralo desaloxo do bloque de vivendas das Abesadas. Acusan ó goberno de non ter adoptado as pertinentes medidas disuasorias para evitar a mudanza dos okupas a outros barrios como as rúas Cristóbal Colón ou Romero Ortiz onde xa están instalados.

Outes contará por fin con chan industrial trala aprobación definitiva da modificación do PXOM que permitirá desenvolver solo empresarial no lugar de Xurisdición. O concello iniciará agora os trámites para desenvolver o plan parcial de cara á urbanización do futuro polígono.

Boiro adquire un novo punto limpo móbil para facilitar a reciclaxe nos distitos núcleos do municipio. A adquisición deste punto limpo móbil foi posible grazas a unha subvención da consellería de Medio Ambiente e Cambio Climático.

A Pobra volverá conmemorar o Día Internacional contra a violencia de xénero con diversos actos enmarcados na campaña ‘Desmárcate’. Ademais da concentración do propio día 25, desenvolveranse actividades cos centros educativos e un obradoiro de defensa persoal

O estadio de San Lázaro en Noia acollía esta mañá unha das clasificatorias do campionato de cross, enmarcado no programa Xogade da Xunta en idade escolar. Na proba tomaron parte preto de 1500 escolares de diferentes centros educativos de Noia, Porto do Son, Muros, Outes, Brión e Lousame.

A Policía Nacional desaloxou o edificio ‘okupa’ das Abesadas en Ribeira. O operativo que contou cun amplo despregamento das forzas de seguridade desenvolveuse sen incidencia. Os catro inquilinos que permanecían aínda no interior, abandonaron o inmoble de xeito voluntario.