Barbanza - Muros - Noia

O concello da Pobra e SEA exploran novas vías para a ampliación de chan industrial do municipio. A xerente da sociedade estatal mantivo esta mañá unha xuntanza coa xunta directiva da entidade de Conservación do Polígono para estudar as alternativas de terreos dispoñibles.

O alcalde de Rianxo saíu ó paso das críticas formuladas polo Partido Socialista con respecto ó retraso dalgunhas obras. Julián Bustelo aclarou que o abastecemento e saneamento dos  núcleos de Quintáns e Vilas está a piques de rematar. Incidiu en que a demora debeuse ás dificultades orográficas do terreo e non á incapacidade de xestión do goberno.

A corporación municipal de Ribeira debaterá este xoves a aprobación dos orzamentos para o 2024. A proposta do goberno, que ascende a 31’6 millóns de euros, prioriza o reforzo de servizos básicos e a atención ás persoas, sen incrementar os impostos municipais.

O concello de Boiro está a executar a primeira fase das obras de recuperación dos sendeiros que conectan o río Breiro con Mañóns. As obras, orzamentadas en máis de cen mil euros, céntranse no treito comprendido ata Exipto.

O PP de Ribeira volve instar ó goberno a axilizar proxectos estratéxicos para o municipio. É o caso do polígono que aínda non conta con financiamento por parte doutras administracións para poder executalo.

Ribeira acolle esta vindeira fin de semana o Torneo Internacional de Taekwondo Cidade de Ribeira. A cita, que reunirá a uns de 800 deportistas chegados dende diferentes clubs de España e Portugal, acada xa a súa vixésimo cuarta edición.

As Plataformas en Defensa das Rías de Arousa e Muros-Noia, apoiadas doutros colectivos do mar, como é o caso de varias confrarías, agrupacións de mariscadores e asociacións de bateeiros, veñen de remitirlle un escrito á Xunta, a través do cal, insisten na necesidade dun cambio no actual modelo, para evitar que se repita, un ano máis, a elevada mortaldade de marisco nas praias.

A andaina solidaria contra o cancro, organizado pola asociación localterá lugar o sábado 26 deste mes de outro, e nela agárdase unha participación de preto do millar de persoas.

O PP de Ribeira critica o retraso na aprobación dos orzamentos. Entenden que apenas terán marxe de manobra para realizar as súas achegas a un presuposto que adoece de investimentos propios.

En Boiro continúa a busca do pescador desaparecido dende o pasado luns pola noite nas inmediacións da praia de Mañóns. A melloría do tempo permitiu  hoxe a saída novamente do helicóptero da Garda Civil, que rastrexou dende o aire as inmediacións do areal.