Estas son as incidencias que deixou a borrasca Joseph nas comarcas das Rías Baixas
A borrasca Joseph deixa a súa pegada nas Rías Baixas. O temporal das últimas horas foi especialmente virulento na comarca de Caldas. En Cuntis o río Gallo desbordou. Tamén rebordou o Umia ao seu paso por Caldas, inundando zonas como A Tafona. En Portas, os servizos de emerxencia tiveron que rescatar un condutor atrapado nunha pista anegada. No Salnés, co Umia tamén anegando zonas en Meis ou Ribadumia, a principal incidencia foron os cortes de luz en varios puntos, así como pequenos desprendementos. Mesma situación na comarca de Pontevedra, con danos de escasa consideración.
O Salnés e A China destacan os avances do último ano nas súas relacións...
A Mancomunidade do Salnés volveu organizar un encontro con representantes do tecido empresarial chinés en España. O acto tivo lugar nun restaurante do centro de Madrid, no que estiveron presentes alcaldes e concelleiros de toda a comarca.
A Mancomunidade convida en Fitur a descubrir O Salnés con calma e ‘a lume...
O turismo 'slow' centrou o paso da Mancomunidade do Salnés por Fitur. A comarca presentouse como un destino no que poder escapar da rutina e desconectar. Dende o organismo comarcal explican que este produto turístico permite ao visitante mergullarse con calma nas orixes de todo o que ofrece O Salnés.
A Mancomunidade convida ao Salnes ao embaixador da China en España para afianzar lazos...
Encontro clave entre a Mancomunidade do Salnés e o empresariado chinés no marco de Fitur. O organismo comarcal organizou un acto en Madrid ao que tamén asistiu o embaixador chinés en España. A cita serviu para seguir promocionando o destino máis alá do verán. De aí a importancia do mercado chinés, caracterizado por viaxar fóra da tempada alta. O presidente da Mancomunidade aproveitou o acto para convidar ao embaixador chinés a visitar O Salnés este ano.
Cañón responde a Arosa: ‘Nós sacaríamos os lectores de matrículas’
A polémica continúa na Illa sobre os lectores de matrícula. Logo de que o alcalde retase ao líder da oposición en Canal Rías Baixas a que aclarase a súa postura sobre esta medida, Matías Cañón asegura que se gobernase, retiraríaos. O concelleiro defende tomar medidas, especialmente nos meses de verán, para reordenar o tráfico no municipio, pero sempre buscando o consenso no pleno e escoitando a veciñanza e empresarios.
Arosa reta a Cañón: ‘Se chegaran ao goberno quitarían os lectores de matrícula?’
A Illa de Arousa conseguiu sacar da súa zona residencial máis de 336.000 vehículos. Seis meses despois da implantación das novas restricións ao tráfico nunha parte do núcleo urbano, o concello celebra os resultados que está a dar o seu novo modelo de mobilidade, nun espazo residencial agora máis silencioso e respirable. Destacan que o turismo non baixou e que a actividade comercial e hostaleira mantense. O alcalde aproveita para cargar contra a oposición porque, di Luis Arosa, son os únicos que prexudican aos negocios coa súa 'campaña de medo'.
A Lotaría de Nadal sorrí á Illa de Arousa por partida triple
A Illa de Arousa un dos municipios máis afortunados das Rías Baixas no Sorteo da Lotaría de Nadal. No municipio vendeuse un décimo do terceiro premio e tamén unha ducia de dous quintos premios. Foi na administración de San Xulián, onde xa están afeitos a repartir fortuna entre os seus veciños e visitantes. Ademais, a confraría insular repartiu 330.000 euros pola terminación do Gordo.
Estes son os premios da Lotaría de Nadal que caeron nas Rías Baixas
A Illa de Arousa é un dos concellos máis afortunados na nosa contorna. Aquí caeu parte do terceiro premio e dous quintos. Un dos quintos tamén deixa cartos en Sanxenxo e Pontevedra.
A confraría da Illa sementa 3,5 millóns de unidades de ameixa xapónica
A confraría da Illa de Arousa sementou estes días 3,5 millóns de unidades de ameixa xáponica para marisqueo a pé e a flote. Trátase dunha importante rexeneración de exemplares de entre 15 e 18 milímetros nunha parte e noutra, de entre 10 e 12. No pósito teñen aínda pendente sementar outro millón de xapónica ata acadar así os case 5 millóns de unidades. Con todo, calculan que cada ano habería que botar uns 10 millóns para facerlle fronte ás necesidades do sector.
Berros, insultos e críticas ao goberno da Illa nun tenso pleno centrado no plan...
Pleno de alta voltaxe na Illa centrado no plan de mobilidade. A sesión foi forzada polo PP para escenificar o rexeitamento da veciñanza ás restricións de tráfico para os non residentes nunha parte do centro urbano. O público chegou a parar en varias ocasións a sesión, con apupos e insultos ao goberno local. Socialistas e nacionalistas acabaron tumbado a moción dos populares para botar abaixo todo o plan. Unha votación, ademais, nula de pleno dereito, segundo un informe do secretario municipal.
