Meis

A Coral Xuntanza de Meis está composta nestes momentos por mais de 40 persoas do municipio e de toda a contorna. Unha gran familia unida pola mesma paixón: o seu amor á música. Nestes trinta anos de vida, son incontables xa as actuacións que levan ofrecido polo mundo, presumindo de levar o nome de Meis por toda península e mesmo de ter feito as Américas. Tres décadas despois, o concello de Meis recoñecerá a súa traxectoria este sábado, cun dos premios dos Meisinos do Ano.

A veciñanza de Paradela, no concello de Meis, prepara a súa Semana Santa. A programación relixiosa arrancará o 29 de marzo, Domingo de Ramos. Haberá tamén escenificacións o Xoves e Venres Santo e tamén o Sábado e Domingo de Pascua. Nas representacións participan ao redor dun cento de persoas, coa incorporación de Gabriel Magariños no papel de Xesús.

A Mancomunidade do Salnés ten preparado xa o proxecto para a reforma do que será o futuro Centro Loxístico Multiservizos. Trátase dunha infraestrutura estratéxica para a comarca que aglutinará distintos servizos mancomunados, como o parque de maquinaria ou espazos formativos. A transformación desta nave, situada no polígono de Sete Pías, está orzamentada en 600.000 euros. O organismo comarcal acaba de conseguir unha axuda da Xunta pola metade dese importe.

Meis, Ribadumia e a Acción contra a Fame van da man para coñecer as necesidades reais de contratación en sectores clave na zona como o vitivinícola e o agroforestal. Este venres organizaron un encontro con representantes de adegas, comunidades de montes e empresas agroforestais. Un encontro que se enmarca dentro das Escolas Inclusivas de Emprego destes dous municipios e a ONG e que permitirá adapatar as futuras formacións ás demandas dos sectores.

O CIM da Mancomunidade do Salnés alerta do aumento do índice de atencións a vítimas de violencia de xénero. No 2025 acadou o 20% dos casos, fronte ao 12% do exercicio anterior. En total, o ano pasado este servizo mancomunadado atendeu unhas 2.300 consultas de mulleres. Este martes celebrouse a terceira Mesa Comarcal de Coordinación Institucional fronte á violencia de xénero.

A caída dunha árbore esnaquizou por completo o lavadoiro da Aldea Labrega, situada en plena Ruta da Pedra e da Auga. A zona foi acordoada por efectivos de Protección Civil para evitar riscos maiores. En canto a situación meteorolóxica mellore, o concello de Meis fará unha avaliación dos danos para estudar a súa reconstrución.

O suceso produciuse na Avenida do Médico Paz García arredor das 08:45 horas. A vítima fora revisar un xerador e foi atopada inconsciente.

Dez adegas da comarca do Salnés beneficiáronse dunha liña de axudas da Xunta para a reconversión de viñedos. Medio Rural repartiu entre elas 350.000 euros. Unha delas foi Terra de Asorei, que aproveitará a achega de 72.000 euros que lle concederon para a creación dunha nova plantación de catro hactáreas en Agudelo, no concello de Barro.

AMICOS terá un punto de atención sociolaboral no concello de Meis. A asociación firmou un convenio co concello polo cal o goberno local cédelles un espazo no antigo consultorio médico de Paradela. Dende alí, un orientador de AMICOS encargarase de prestar os seus servizos a persoas con discapacidade ou en risco de exclusión social de Meis e da súa contorna. Actualmente no Salnés ao redor de 200 persoas forman parte do proxecto de emprego da asociación.

A borrasca Joseph deixa a súa pegada nas Rías Baixas. O temporal das últimas horas foi especialmente virulento na comarca de Caldas. En Cuntis o río Gallo desbordou. Tamén rebordou o Umia ao seu paso por Caldas, inundando zonas como A Tafona. En Portas, os servizos de emerxencia tiveron que rescatar un condutor atrapado nunha pista anegada. No Salnés, co Umia tamén anegando zonas en Meis ou Ribadumia, a principal incidencia foron os cortes de luz en varios puntos, así como pequenos desprendementos. Mesma situación na comarca de Pontevedra, con danos de escasa consideración.