A Aldea de Nadal de Vilagarcía mesturará espectáculos cunha decoración inspirada en Charles Dickens
Un dos epicentros do Nadal este ano en Vilagarcía será a renovada rúa Clara Campoamor e a zona da Peixería. Esta é a localización escollida este ano para a Aldea de Nadal, unha proposta que inclúe un mercado con oito postos, pero tamén moitas propostas culturais e de lecer para toda a familia.
A febre da Lotaría de Nadal xa se nota nas administracións das Rías Baixas
Conta atrás para o Sorteo da Lotaría de Nadal. Nas administracións comeza a notarse que hai ganas de que chegue o 22 de decembro. Estes días non paran de vender décimos, non vaia ser que a sorte acabe caendo polas Rías Baixas. Nós hoxe estivemos nunha administración de Vilagarcía, á que non parou de achegarse xente durante toda a mañá para facerse cun ou varios boletos.
Arousa Bay, Cantos da Terra e Lendaria protagonizan a Gala Solidaria de Cáritas Arousa
Cáritas Arousa celebrará este venres en Vilagarcía a súa Gala Solidaria. A cita, que acada xa a súa vixésimo oitava edición, reunirá no auditorio da cidade a Arousa Bay, Cantos da Terra e o grupo de danza Lendaria. O evento busca recadar fondos para os distintos proxectos que desenvolve a entidade na comarca. Na organización agardan mesmo superar a recadación récord do ano pasado, cando conseguiran xuntar máis de 2.000 euros.
O comercio local de Vilagarcía, cada vez máis praparado para a súa dixitalización
A Cámara de Comercio clausurou hoxe en Vilagarcía o programa 'Dixitaliza o teu posto', unha iniciativa que formou ao comercio local da cidade centrada na implantación do noso sistema de facturación e en competencias dixitais. A programación rematou cunha chocolatada, música e a antrega de premios do sorteo do Black Friday entra a clientela da praza de Abastos.
Actuación de urxencia no CEIP da Lomba, en Vilagarcia, tras a caída de casacallos...
Os traballos de arranxo da fachada do colexio da Lomba, en Vilagarcía, están a piques de rematar. A Xunta tivo que intervir de urxencia neste centro logo de que a comezos de mes se producisen varios desprendementos de cascallos. Dende o goberno galego recoñecen o risco que supoñía esta situación. Logo desta actuación, os técnicos de Educación volverán revisar o edificio para garantir que todos os danos quedaron arranxados.
Alta demanda de formación especializada en empresas punteiras de Arousa
En Vilagarcía, un grupo de mozos e mozas da cidade estanse a forman na empresa Thune Eureka, dedicada á fabricación de equipamentos para sectores como o naval ou defensa. Están a participar no programa de emprego que impulsa o concello, co compromiso da compañía de contratar unha parte do alumnado. A dirección da empresa explica que se trata de empregos de calidade, nun sector cunha alta demanda de persoal especializado.
Vilagarcía pon o foco nos ‘negacionistas’ das violencias machistas neste 25N
O salón de Plenos de Vilagarcía acolleu un acto no que a música foi unha das grandes protagonistas e onde se amosou o rexeitamento unánime da cidade á violencia machista. Tamén se deu lectura a un manifesto 'contra o negacionismo' e en defensa da igualdade. Ademais, coincidindo cos 50 anos da fin do franquismo, a voceira do goberno local pediu á cidadanía que reflexione sobre a gran conquista de dereitos para as mulleres en Democracia fronte os tempos escuros da ditadura.
‘Especies varadas’: arte con lixo mariño en Vilagarcía
Xa se pode visitar en Vilagarcía a exposición 'Especies varadas'. Trátase dunha mostra do artista Sergio Ordóñez, que crea arte con lixo mariño. Anacos de cerámica, madeira e, por suposto, moito plástico danlle forma a unha colección de cadros e esculturas nas que os refugallos se transforman en pezas que convidan ao espectador a reflexionar sobre o grave problema do lixo no mar.
Vilagarcía acuña o termo ‘botrato’ para combater a violencia machista
Vilagarcía convértese na vila do "botrato" para conmemorar o Día Internacional contra a violencia de xénero. O concello impulsa polo 25N a primeira campaña construída de forma colectiva a través dun proceso de escoita á veciñanza. As distintas reflexións que lle dan significado ao "botrato" e que lle dan forma á campaña foron aportadas por veciños e veciñas da cidade, incluíndo rapazada e adultos. A programación do 25N complétase en Vilagarcía con distintas actividades.
Así é a librería que Borjamina, dos Mozos de Arousa, vai abrir en Vilagarcía
Borjamina, dos Mozos de Arousa, vaille dar un xiro á súa vida abrindo unha librería en Vilagarcía. O exconcursante vai empregar os cartos do premio da televisión para converter a desaparecía Follas Novas nun novo espazo dedicado aos libros e á cultura. A súa intención é ir un paso máis alá, creando unha zona para organizar actos culturais, como presentacións, exposicións e mesmo unha parte dedicada aos xogos de mesa. O Mozo de Arousa traballa contra o reloxo para poder abrir a finais deste mes.
