Vilagarcía

Dez centros educativos da zona daranse cita este sábado na primeira edición de Salnés Ciencia. Trátase dunha feira que se vai celebrar en Cambados, onde a rapazada poderá amosar os seus experimentos e proxectos. Cada un dos centros terá o seu propio stand, con experiencias relacionadas coas física, química ou outras áreas máis específicas como a robótica, viticultura ou a cosmética.

O PSOE critica os retrasos que está sufrindo a recontrución da ponte nova de Pontearnelas. Denuncian a falta de compromiso da Xunta coa comarca e din que unha mostra máis é como se xestionou o arranxo desta infraestrutura. Lembran que a súa posta en uso estaba prevista para finais do ano pasado e que xa no mes de xuño, aínda está pendente de rematar. Advirten ademais dos danos que esta situación está a provocar na ponte dos Padriños, por onde se está a desviar o tráfico.

A cuarta edición de 'Vilagarcía, cidade de libro' traerá 25 autores destacados. A feira celebrarase do 11 ao 16 de xuño. Cada unha das xornadas estará dedicada a unha temática e con propostas pensadas para tódolos públicos, especialmente para a rapazada. Entre os autores que este ano visitan a cidade do libro salientan os premio Planeta Lorenzo Silva e Javier Sierra, xunto cun bo feixe de escritores galegos, locais e emerxentes.

Hoxe arrancou en Vilagarcía o Congreso de Mobilidade Sustentable e Medios de Transporte, organizado polo IES Vilalonga e o CIFP de Fontecarmoa. O evento, que reúne a empresas e a formación profesional da automoción, foi inaugurado esta mañá polo presidente da Xunta. Alfonso Rueda aproveitou para anunciar que Galicia terá o próximo curso a oferta de FP máis alta da súa historia. Serán 24 as titulacións de alta especialización que se ofertarán en Galicia, trece delas de nova implantación.

Cambios importantes na Garda Civil na comarca do Salnés. A oficina de atención cidadá de Vilanova elévase a posto. Ao tempo, suprímese o que o instituto armado tiña en Vilagarcía. Estes cambios recóllense nunha resolución publicada no Boletín Oficial da Garda Civil, que hoxe deu a coñecer o alcalde de Vilanova.

Vilagarcía viviu onte o día grande de Santa Rita. Milleiros de persoas inundaron a cidade nunha xornada festiva, coa procesión como o evento máis multitudinario do día.

Centos de libros  usados agardan por unha nova vida en Hojas de Lorien. Trátase da primeira librería de Vilagarcía especializada en libros de segunda man. Detrás deste proxecto está Anabel, unha muller que decidiu darlle un xiro á súa vida poñendo en marcha este proxecto. Con el naceu tamén un club de lectura onde os libros se mesturan con café, galletas e moi boa compaña.  Este mes están a ler 'El juego de Ender'.

16 equipos daranse cita na terceira edición do torneo de Rugby de Santa Rita, en Vilagarcía. Todos eles son conxuntos da categoría M14. A meirande parte son galegos e do norte de Portugal, aínda que tamén contarán coa visita do Palencia que, por certo, repite nesta cita.

VILAGARCIA> Vilagarcía quenta motores para a súa 'Cidade de libro'. Hoxe avanzaron as datas e os autores que formarán parte desta cuarta edición. Vai...

VILAGARCÍA> As corais vilagarciás Rosalía de Castro e Voces Amigas únense por unha boa causa. Os dous conxuntos musicais van protagonizar este venres un...