Pontevedra

Xa queda menos para unha das grandes citas musicais do verán en Pontevedra. Os días 21 e 22 de agosto a cidade acolle o Río Verbena, festival que chega á súa quinta edición máis que consolidado no calendario. Dezaoito artistas pasarán polos escenarios que se instalarán no Recinto Feiral. Entre eles, Xoel López, Love of Lesbian ou La La Love You.

Onte conmemorouse o Día Mundial do Bordado e en Pontevedra medio cento de persoas reuníronse para celebralo. Foi no marco de Vén bordar!, unha iniciativa impulsada pola artista mexicana e veciña da cidade Maritza Bertolini. Un aposta por dar visibilidade ao bordado como expresión artística en pleno espazo público.

Pontevedra conmemorará o vindeiro 30 de xullo o Día Internacional do Bordado. Será coa proposta ‘Vés bordar?’, un picnic e sesión conxunta de bordado impulsada pola artista mexicana Maritza Bertolini. A cita será a partires das 6 da tarde baixo o magnolio dos Xardíns da Deputación e estará aberta a todos os públicos.

Hoxe na Deputación de Pontevedra foi día de facer balance dos tres anos do goberno encabezado polo presidente Luis Lópéz. Como resumo, o popular destacou que neste tempo se realizaron máis de 2.000 obras, 600 millóns de euros mobilizados e iniciativas centradas no apoio a concellos e colectivos veciñais. Ao acto celebrado no Pazo Provincial baixo o lema ‘Valor extra’ estiveron convidados todos os deputados, alcaldes da provincia, institucións e representantes da sociedade civil.

Os traballos de destape do río dos Gafos, en Pontevedra, concéntranse no seu arranque na contorna dos centros educativos da zona. A intención do concello é liberar os accesos de cara ao mes de setembro, para que as obras afecten o menos posible ao funcionamento destes centros. Hoxe o alcalde visitou a intervención, que cualificou como exemplar para o futuro urbano.

Os días 17 e 18 de xullo volverá a Pontevedra un dos grandes eventos musicais do verán. O Bigsound Festival ultima os preparativos para esta cita, que agarda reunir a máis de 35.000 persoas no recinto habilitado no parque de Tafisa. Recordemos que polo escenario pasarán artistas como María Becerra, David Bisbal, Nathy Peluso ou Ana Mena.

‘Un verán redondo’ é o lema do concello de Pontevedra para o programa de actividades previstas para o período estival. Hoxe presentouse un programa de máis de 300 actividades coa eclipse como un dos elementos centrais. Fenómeno astronómico que ademais coincide coas Festas da Peregrina. Estas Festas de Verán prolongaranse ata finais de setembro, cando se celebre a Gran Final das Series Mundiais de Tríatlon.

Pontevedra estrea nova senda entre a Xunqueira da Gándara e o parque da Tomba. Hoxe foi inaugurado o trazado de 1,8 quilómetros que forma parte dun proxecto do concello para poñer en valor todo o territorio periurbano do municipio. A intervención contou cun investimento de 158.000 euros.