A Pobra

Medio cento de establecementos participarán na Campaña Merca na Pobra que vai poñer en marcha a concellería de Promoción Económica. Desenvolverase entre o 9 e o 30 de novembro co fin de activar as compras no comercio local. Os clientes entrarán no sorteo dunha viaxe a Eurodisney.

Pagou a pena a espera. A combinación de drons e fogos de artificio aéreos e acuáticos convenceu ó numeroso público que o pasado venres se concentrou no paseo dos Areos para gozar dun espectáculo único en toda España.

Seguen a desenvolverse na Pobra as actividades enmarcadas nas Xornadas de homenaxe a Valle-Inclán. Esta pasada fin de semana con especial protagonismo do teatro. Unha das propostas máis interesantes da fin de semana tiña lugar na mañá do sábado e consistiu nun roteiro teatralizado con Maruxa e Coralia.

A Pobra amplía a súa oferta cultural este outono con cinco funcións enmarcadas no ciclo teatral. Serán tódolos domingos pola tarde no Teatro Elma, dende o 3 de novembro ata o 1 de decembro.

O concello da Pobra oferta dous cursos de habilidades dixitais para o mes de novembro. Impartiranse os martes pola tarde e ademais de deseño e impresión en 3D, nesta edición incorpórase a robótica.

Bombeiros de toda Galicia participan esta semana na Pobra nun curso organizado pola Academia Galega de Seguridade. O obxectivo é obter formación sobre os operativos a desenvolver ante as fugas de amoníaco, dada a gran cantidade de empresas frigoríficas na zona.

O Partido Popular denuncia que moitos pobrenses quedaron sen entrada para o Encontro do Maior. Entenden que o concello debería ter priorizado a venda para persoas empadroadas no municipio, posto que o xantar se financia cos impostos dos veciños.

Os pobrenses poderán por fin despedir por todo o alto o Nazareno. Despois de que o pasado 16 de setembro as condicións climatolóxicas obrigasen a aprazar o espectáculo de fin de festa, reprogramouse para este venres 25 de outubro.

Todo listo na Pobra para acoller as xornadas micolóxicas que acadan este ano a súa oitava edición. Ademais da saída e posterior degustación de cogomelos desenvolveranse actividades cos escolares e unha charla sobre o valor nutricional dos fungos.

Xa está aberto o prazo de presentación de solicitudes para concorrer ó proceso selectivo convocado polo concello da Pobra para a contratación de auxiliares do servizo de axuda no fogar. O obxectivo é crear unha bolsa de empresa para a cobertura das vacantes por permisos, Baixas e vacacións.