NOIA

Unha trintena de establecementos participarán este sábado na decimo terceira edición da Pink Fashion de Noia. Ademais de descontos do 20 por cento, os clientes optarán a un premio dun vale de compra de 500 euros que se sorteará ó final da xornada.

Noia acollerá en xullo unha nova edición do Congreso Internacional de Odontoloxía. A cita, terá lugar os días 4 e 5 no Liceo e nela prevese a participación de máis de 250 profesionais chegados dende diferentes nacionalidades.

As traballadoras do Programa de Voluntariado Europeo finalizaron a súa estadía en Lousame. o concello brindoulles unha emotiva despedida en agradecemento ó seu labor de dinamización no eido deportivo e sociocultural.

A delegada territorial da Xunta na Coruña visitou hoxe o IES de Porto do Son onde se imparte o Ciclo Medio de Guía no Medio Natural e de Tempo Libre. Dada a alta demanda desta especialidade, o centro solicitou a implantación do Grao Superior para o vindeiro curso.

A concellería de Cultura de Noia desenvolverá un ano máis a súa semana da Historia, este ano co título de ‘As Portas do Mar’. Será do 3 ó 10 de maio no Teatro Coliseo Noela. O programa deseñado para esta edición, a número doce, incluirá diversas ponencias a cargo de reputados historiadores e investigadores.

A Xunta realizou unha achega duns 81 mil euros para a compra dun punto limpo móbil que será compartido polos concellos de Lousame e Rois. Os dous municipios iniciarán a licitación do equipamento para que o servizo poida comezar a prestarse o antes posible.

Noia volveu vivir unha das súas festas máis tradicionais: o San Marcos. O atractivo principal foi a Feira Cabalar que reuniu a centos de veciños e visitantes. A xornada prolongouse ata ven entrada a noite coa verbena a cargo da orquestra Finisterre e unha discomóbil.

Noia volverá vivir este sábado unha xornada de deportes de contacto con participantes de primeiro nivel. O pavillón Agustín Mourís acollerá dende as seis e media da tarde unha velada organizada polo Club de Loita Noia.

Sete anos despois do seu primeiro concerto conxunto, Monolius Dop e Heredeiros da Crus volverán actuar xuntos en Noia. Será no Estival Fest que se celebrará o 17 de maio no recinto do IES Campo de San Alberto.

A piscina municipal de Noia e o campo de fútbol Julio Mato foron obxecto de actos vandálicos nos últimos días . A Garda Civil abriu unha investigación para identificar ós autores dos roubos e danos rexistrados nestas instalacións municipais.