Barbanza - Muros - Noia

O Club de Remo Pobra  celebra o seu segundo Campionato Provincial de Bateis. A cita terá lugar esta vindeira fin de semana, o sábado 12 e domingo 13 de abril no porto da localidade. Na pobra participarán 600 remeiros chegados de 12 clubs da provincia da Coruña.

A subdelegada do Goberno na Coruña, María Rivas, visitou esta mañá os concellos de Lousame. A visita respondía á rolda de contactos que a representante do Goberno Central está a manter cos concellos da provincia. Na visita fixo alusión á aposta do Goberno por dotar ó rural galego de máis e mellores servizos que axuden a fixar poboación.

Todo listo en Porto do Son para celebrar a Semana Santa que dará comezo este venres. Os dferentes actos que se levarán a cabo foron presentados nun acto celebrado a pasada tarde na capela da Atalaia. Contou coa presenza do párroco de Noia, José Ortoño, encargado de dar lectura ó pregón.

A cadea Vegalsa-Eroski entregou esta mañá un cheque á asociación Amicos por valor duns 5 mil euros. Os fondos, recadados a través de programas de reciclaxe,  serán destinados a reforzar os proxectos medioambientais da entidade así como a impulsar a mellora das oportunidades de emprego das persoas con discapacidade intelectual.

Máis de mil nenos participarán no Torneo Solidario de Fútbol Base Congalsa que se celebrará na Pobra o 24 e o 25 de maio. Como en anteriores edicións, a finalidade do evento deportivo é a recadación de fondos para a fundación Aladina. 

Ribeira acollerá este verán o XVII Encontro de Embarcacións Tradicionais. Celebrarase entre o 17 e o 20 de xullo e contará cuns 150 barcos. Haberá ademais un extenso programa de actividades culturais e degustacións gastronómicas ó longo das catro xornadas.

Un total de 20 alumnos están a formarse nos módulos de carpintería e forestal do Obradoiro de Emprego Torre Goiáns 4 de Boiro. O alcalde visitou esta mañá o taller de carpintería no Centro de Formación de Espiñeira.

Noia vivirá a súa Semana Santa cun amplo programa de actividades relixiosas. A principal novidade deste ano será a estrea dun paso infantil. Unha decena de nenos da confraría do Nazareno sairán o Xoves Santo na procesión das Carracas.

O Partido Socialista organizou esta mañá en Rianxo un encontro con representantes do mar co fin de analizar o estado actual do sector na ría de Arousa. Á xuntanza asistiron o portavoz de pesca no Parlamento galego, Julia Abalde, e o eurodeputado Nicolás González Casares.

Ribeira repetirá coa campaña de control das colonias felinas iniciada o pasado ano, dando así cumprimento á Ordenanza Municipal de Protección e Tenencia de Animais de Compañía e á lei de Protección de Benestar Animal.