Barbanza - Muros - Noia

Máis dunha ducia de clubs participarán este sábado na oitava Bandeira de Bateis do Concello da Boiro. A competición, que arrancará ás dez e media da mañá, trasladarase ó peirao de O Bodión, debido ás previsións metereolóxicas adversas.

O  concello de Ribeira vén de sacar a licitación a reforma do conservatorio de Aguiño. O proxecto, orzamentado en máis de 600 mil euros, consistirá principalmente na mellora da eficiencia enerxética do inmoble permitindo un aforro total próximo ó 73 por cento.

O concello da Pobra pon en marcha o I Concurso Fotográfico Victoriano García Martí, O obxectivo é dar a coñecer a figura do escritor a través da súa novela ‘Don Severo Carballo del Alma Gallega, ambientada no seu municipio natal.

Ribeira volverá ser sede do boxeo galego coa XIII Velada que organiza o Club ‘EL Canario’. Será o sábado 29 no pavillón de Palmeira e constará de 8 combates, un deles feminino. Pola mañá terá lugar un Campionato Galego de Formas en Idade Escolar.

A portavoz nacional do BNG, Ana Pontón, achegouse esta mañá á Pobra para facer unha chamada á mobilización convocada para este próximo sábado na localidade en contra da instalación da macrocelulosa Altri. Na súa intervención acusou á Xunta de traizoar a Galicia, impoñendo un proxecto que, segundo ela, resultará letal para a nosa comunidade.

Ribeira acollerá, por segundo ano consecutivo, unha andaina solidaria a favor da enfermidade de Dent. A actividade, organizada polo colexio Galaxia en colaboración co Concello, terá lugar o sábado 29 de marzo.

Ribeira acolleu a presentación do Manual para a Implementación de Laboratorios de Innovación Trasnformadora en concellos e cámaras municipais. Trátase dun proxecto piloto que vén de poñer en marcha o Eixo Atlántico co obxectivo de incrementar a cohesión social e territorial dos municipios.

A adxudicación da redacción do proxecto do centro de saúde de Noia supón un novo avance na tramitación desta gran obra que podería ser unha realidade a finais do 2027. A intención da Consellería de Sanidade é poder licitar as obras ó longo deste ano. O prazo de execución é de dous anos e medio.

Condenados a 5 e 6 anos e media de prisión os autores dun intento de homicidio en Ribeira. Os feitos aconteceron en 2023 cando feriron de gravidade a outro home tras acoitelalo e dispararlle cun arma de fogo. Os acusados aceptaron as penas impostas tras chegar a acordo entre as partes.

Os catro alcaldes da Mancomunidade Barbanza Arousa fan fronte común ante Altri. Rexeitan o proxecto da macrocelulosa polo grave impacto ambiental na comarca así como as consecuencias sobre o subministro de auga en tódolos concellos que dependen do Ulla.