Barbanza - Muros - Noia

Noia destinará preto de 260 mil euros do POS a gasto corrente. O resto dos fondos destinaranse a outros proxecto como a factoría da mocidade na Chaínza e varias obras relacionadas coa accesibilidade e dotación de servizos básicos.

A sucesión de temporais nas últimas semanas tivo tamén consecuencias negativas sobre os bancos marisqueiros. En Noia, o mar arrastrou ata a praia de Testal gran cantidade de ameixa e berberechos. Os mariscadores retiraron esta mañá o marisco para volver sementalo nas autorizacións da confraría.

Ribeira entregou este mediodía as bolsas ós 20 deportistas non profesionais da localidade para que poidan seguir desenvolvendo a súa actividade. O acto de entrega estivo presidido polo alcalde, Luís Pérez Barral, e o edil de Deportes, Xabier Vidal.

O executivo rianxeiro vai impulsar a posta en marcha dun Consello Municipal do Mar. A proposta pretende aglutinar a tódolos axentes implicados co fin de abordar a grave situación que atravesa o sector.

O peirao de Cabo de Cruz acollerá este sábado a vixésimo segunda edición da Regata Contrarreloxo de Traíñas. Na proba participará máis de 60 embarcacións e uns 850 deportistas non só de Galicia senón doutras comunidades.

A Asociación AMICOS clausurou esta mañá na Pobra o proxecto Climability. A través desta iniciativa desenvolveuse un estudo sobre os efectos do cambio climático e a adopción de solucións baseadas na propia natureza.

Ribeira avanza na peonalización do casco urbano coa remodelación da rúa Mendiño. A obra, cun investimento de máis de cen mil euros, supuxo a dotación de plataforma única para favorecer a accesibilidade e a renovación de servizos.

O temporal que segue afectando á nosa comarca. Aínda que arestora a situación foi mellorando, pola mañá rexistráronse novamente un feixe de incidencias. A maioría delas de pouca consideración, pero que obrigaron igualmente a ter que actuar ós equipos de emerxencias.

A corporación boirense celebrou onte pola noite a sesión plenaria con carácter ordinaria correspondente a este mes de xaneiro. Entre os puntos da orde do día figuraba a aprobación do POS Adicional da Deputación da Coruña para este ano 2025. Ó Concello correspóndenlle algo máis de 1 millón de euros, que vai destinar na súa totalidade ó financiamento do gasto corrente.

Deporte e solidariedade volven ir da man nunha iniciativa impulsada dende a Escola de Boxeo El Canario e o Club de Natación. Trátase dunha carreira e unha andaina que buscan recadar fondos en favor do Club de Remo Puebla, afectado tralo incendio que destruíu as súas instalacións. A cita será este vindeiro domingo 2 de febreiro.