Marea solidaria de axuda ó Club de Remo Puebla para reconstruir a súa sede
Dous días despois do voraz incendio que destruíu por completo a sede do Club de Remo Puebla seguen as mostras de apoio e solidariedade co Club. O máis importante nestes momentos, poder reconstruír a nave que foi pasto das lapas. A estrutura do edificio está gravemente danada polo que todo apunta a que haberá que derrubala.
Medio Ambiente convoca axudas para dinamizar a área de influencia das Illas Atlánticas
A Conselleira de Medio Ambiente visitou o centro de día de Agadea en Ribeira. Ánxeles Vázquez quixo coñecer máis de preto o proxecto ‘Un camino de lembranzas’ que resultoiu beneficiario da liña de axudas para a dinamización dos concellos da área de influencia do Parque Nacional das Illas Atlánticas.
Tres compañías pasarán polo Cine Elma na Mostra de Teatro Afeccionado da Pobra
No marco da súa Mostra de Teatro, o concello da Pobra dedicará o mes de xaneiro ás compañías amateur. Serán tres as funcións que se representen no cine Elma a cargo da Asociación Cultural Charamela, o Grupo Licor Café e Teatro As Maniotas.
BarbanTEA organiza unha recepción inclusiva dos Reis Magos
Boiro acollerá este domingo unha recepción inclusiva dos Reis Magos. Será a partir das once e media da mañá no local Leñaverde e está especialmente orientada a nenos neurodiverxentes, aínda que aberta a todo o público.
Boiro licitou contratos por valor de 1’5 millóns de euros ó longo de 2024
Ano de récord en Boiro que pechou o 2024 con preto dun millón e medio de euros en licitacións de obras e servizos. Entre os máis destacados, figuran as reformas de rueiros en Runs e San Mauro, a reforma do mercado de abastos ou o sendeiro entre o río Breiro e Exipto.
Noia estrea dous novos miradoiros con vistas á ría
Neste 2025 Noia estreará dous equipamentos turísticos. Son os miradoiros de Bergondo e Santa Cristina que foron acondicionados con novo pavimento e mellora de accesos. Ambos ofrecen fermosas panorámicas da ría e atópanse a apenas un quilómetro do centro urbano.
Noia aposta por celebrar a festa de Reis no pavillón ante as malas previsións...
As malas previsións meteorolóxicas para o domingo, obrigaron ó concello de Noia a cambiar de plans. Aínda que manterán as carrozas listas para saír no caso de que a chuvia dea unha tregua, todo apunta a que os Reis recibirán ós nenos no pavillón Agustín Mourís.
Ribeira pecha a campaña de Nadal con pouco marisco pero boa cotización
Pasadas as datas festivas deste Nadal toca facer balance da campaña marisqueira. En Ribeira, a pesar da escaseza de capturas destacou a boa facturación posto que as principais especies acadaron moi bo prezo en lonxa.
Ribeira estrea novo modelo de cabalgata, máis vistosa e inclusiva
En Ribeira teñen todo preparado para recibir ós Reis Magos o próximo día 5. Chegarán en dorna á capital do Barbanza para percorrer posteriormente en carroza as principais rúas do casco urbano. En caso de chuvia realizarase unha recepción no auditorio.
Boiro volverá acoller a cablagata máis extensa do Barbanza
O concello de Boiro e a Comisión Parroquial de Santiago de Lampón volverán colaborar para traer ós Reis Magos ata o municipio. O día 5, as súas maxestades percorrerán Boiro na cabalgata máis longa da comarca. Na véspera serán as Raíñas Magas as que visiten tódalas parroquias.
