Barbanza - Muros - Noia

A Consellería do Mar plantexou ás confrarías a posibilidade de pechar os bancos de libre marisqueo ante a perda de interese dos mariscadores. Dende o pósito de Rianxo consideran unha falla de respecto que responsabiliza ó propio sector da precaria situación en que se atopan os bancos ante a falla de medidas para a súa rexeneración

Os Reis Magos iniciarán ben cedo o seu percorrido pola Pobra o próximo día 5 de xaneiro. A partir das dez e media percorrerán todo o municipio en vehículos descubertos. X apola tarde, desfilarán na cabalgata polo casco urbano.

Preto de 400 atletas lograron completar o Trail de Lousame que se celebrou este domingo. Na proba longa impuxéronse Damián González e María Platero mentres que Rubén Martínez e Nerea Castro proclamáronse gañadores do trail curto.

O concello de Ribeira entregou unha quincena de cestas de Nadal ós gañadores dos concursos de decoración e embelecemento de fachadas e xardíns. Ademais dun premio á mellor vivenda de cada parroquia, distinguise á mellor de todo o municipio, así como dous comercios e dous locais hostaleiros.

Como xa é tradición, Noia pechará o ano cunha carreira solidaria. A San Silvestre desenvolverase o día 31 ás cinco da tarde na alameda noiesa. Non se trata dunha proba competitiva posto que o seu principal obxectivo é recadar fondos para Cáritas.

A xestión da casa do Mar de Cabo de Cruz volve a ser competencia do concello de Boiro. Co acto de entrega das chaves simbolizado esta mañá polo delegado do goberno en Galicia e o alcalde de Boiro faise efectivo o traspaso

A Xunta habilitará tres sendas peonís na estrada AC-550 ó seu paso polo termo municipal de Porto do Son.  Así o anunciou a Conselleira de Vivenda e Infraestruturas na visita realizada esta mañá á zona de Mariño, onde se acometerá unha das actuacións. O investimento total será de millón e medio de euros.

Agustín Agra gañou o vixésimo terceiro relato de aventuras Antón Avilés de Taramancos que convoca o concello de Noia. O xurado elixiu por xeito unánime a súa obra ‘Trebón do Norte’ pola súa valía cultural, histórica e literaria.

Un ano máis A Pobra adiantarase ó Fin de Ano. O día 31 pola mañá celebrarase unha festa de Aninovo con badaladas, cotillón e animación de rúa.

O Programa Integrado de Emprego que desenvolven conxuntamente os concellos de Boiro, A Pobra e Rianxo pechou o ano con preto dun 70 por cento de inserción laboral.