CALDAS

A de Pontevedra foi a provincia onde máis incidencias se rexistraron, unhas 300 das máis de 550 que contabilizou o 112 Galicia relacionadas con esta borrasca. Ningún concello da nosa contorna se librou do paso de Kirk, deixando danos en tódolos municipios, aínda que por fortuna, de escasa consideración. En Barro o vento provocou a caída de varios paneis do pavillón de Curro, mentres que en Poio levou por diante un chiringuito da praia de Lourido. Ademais, houbo que suspender as clases en varios centros educativos.

A Ministra de Defensa, en Valga. Margarita Robles visitou esta mañá as instalacións de Urovesa. Alí mantivo unha longa reunión de traballo coa dirección da compañía. Trátase dun factoría onde se fabrican os vehículos todoterreo polivalentes do Exército de Terra que operan en distintas zonas de conflito.

Catoira prepárase para a súa Romaría Vikinga. Unha cita que ademais este 2024 chega con moitas novidades. Nesta edición, o centro da vila encherase de actividades, con tres días de concertos, e coa estrea dunha feira medieval con postos de artesanía. Ademais, a romaría prolongarase ata o luns cun novo desembarco vikingo, desta volta especialmente organizado para a cativada. A multitudinaria festa celebrarase do sábado 27 de xullo ao 5 de agosto.

Galicia enfróntase de novo a un verán que pode ser moi complicado en canto a incendios forestais, pola previsión dun tempo seco e caloroso. Esta mañá tivo lugar un gran simulacro de extinción dun lume dunha características moi complexas. Afectaba a dúas provincias, Pontevedra e A Coruña, extendéndose polos concellos de Valga, Pontecesures, Padrón e A Estrada; e incluíndo a evacuación de dous núcleos de vivendas.

Urovesa, no concello de Valga, inaugurou hoxe o novo centro de formación das súas instalacións. O acto estivo encabezado polo presidente da Xunta. Alfonso Rueda destacou a importancia de que as empresas aposten pola formación de talento novo no emprego.

Os concellos das comarcas de Salnés e Caldas recibirán 2 millóns de euros da Deputación de Pontevedra para mellorar os seus equipamentos deportivos. Vilagarcía é o municipio máis beneficiado, cunha achega de 206.000 euros repartidos en tres obras. O Grove, Cambados, Catoira, Moraña e Vilanova son outras das vilas que recibirán fondos desta liña de axudas.

Case 600 persoas déronse cita no Encontro da Terceira Idade que organiza o Concello de Valga. É xa a vixésimo sexta edición deste xantar de confraternidade no que se desenvolveron tamén diferentes actividades culturais e lúdicas, como un concerto da banda de música, baile e o sorteo de agasallos. Por suposto, a xornada serviu tamén para o reencontro entre a veciñanza.

A banda de música e a radio municipal de Valga celebran o seu 25 aniversario. Para celebralo, no municipio reuníronse unhas 500 persoas, entre seareiros da agrupación musical e oíntes da emisora. Foi nun acto festivo no parque Irmáns Dios Mosquera, no que houbo gastronomía, música e xogos.

VALGA> O IES de Valga prepárase para a implantación de tres novos ciclos de FP dual. A partir de setembro impartirase nova formación en...

A Deputación de Pontevedra farase cargo da mellora da mobilidade peonil na Travesía de Dona Urraca, no concello de Caldas. Así o acordaron o presidente provincial e o alcalde caldense nunha reunión celebrada esta mañá. Iso si, Luis López puxo un condicionante: será o goberno local quen teña que conseguir os terreos necesarios para esta intervención. Recordemos que nesta zona é onde se vai situar o novo centro de saúde de Caldas.