SALNÉS

A Mancomunidade do Salnés rodéase de expertos para buscar as claves cara a desestacionalización turística. Hoxe o Real Club Náutico de Sanxenxo acolleu o Foro de Turismo, unha cita dirixida a analizar as diferentes potencialidades da zona para atraer visitantes tamén fóra da tempada alta.

A novena edición da andaina solidaria do Tinto, en Ribadumia, recadará fondos este ano para Bata. A iniciativa vai ter lugar o vindeiro 7 de xuño. Na organización agardan contar cuns 200 participantes, que contribúen na parte solidaria achegando a vontade. A andaina terá un percorrido duns oito quilómetros, facendo un completo percorrido natural pola localidade.

A voceira nacional do Bloque mantivo este xoves unha reunión co patrón maior da Confraría de Carril. Logo de escoitar o sector, Ana Pontón demanda un plan de rexeneración para as rías. Tamén defendeu a bonificación das cotas da Seguridade Social aos mariscadores e a posta en marcha de hatcheries públicas e mixtas para garantir semente.  

O Sanxenxo degusta Tapas sigue medrando. 26 establecementos van partircipar este ano nesta proposta gastronómica, que acada a súa décimo quinta edición. A cita, organizada polo concello de Sanxenxo, vaise celebrar dende esta venres a ata o 7 de xuño. As tapas terán un prezo único de 4 euros.

Vilagarcía sacará adiante os seus orzamentos para este 2026 grazas a un acordo entre o goberno local e o BNG. As contas ascenden a 41,6 millóns de euros, máis dun 5% máis que o ano pasado. Inclúen un préstamo de 4 millóns de euros. No capítulo de investimentos salienta unha partida de 1,2 millóns de euros para a compra dunha parcela para a construción dunha residencia e centro de día. O alcalde fala dos presupostos máis ambiciosos da historia da cidade.

O 30% das dez vivendas públicas que se van construír en Marxión, en Vilagarcía, serán para persoas de entre 36 e 45 anos con fillos. Tamén se reserva outro 25% para menores de 36 anos. Avanzouno dende a propia parcela a conselleira de Vivenda. Este mércores saíron a licitación as obras destes fogares, que se van construír nunha parcela cedida polo concello. Conta cun investimento próximo aos dous millóns de euros.

Campaña para a prevención de atropelos de persoas maiores nas estradas de Pontevedra. No que levamos de ano faleceron xa seis anciáns atropelados na provincia. A iniciativa, impulsada pola Subdelegación do Goberno, a Xefatura Provincial de Tráfico e a Garda Civil, chegou este martes a Cambados. A xornada comezou coa entrega de chalecos reflectantes ás persoas asistentes e continuou cunha sesión informativa con consellos prácticos.

A Mancomunidade organiza o vindeiro luns en Sanxenxo un foro centrado na estratexia a seguir para seguir atraendo visitantes á comarca fóra da tempada alta. O programa inclúe catro mesas con temáticas clave para O Salnés: Xacobeo 2027, Turismo Deportivo, Turismo Náutico e Enogastronomía. O foro estará conducido polo xornalista Pedro Piqueras. Das 80 prazas dispoñibles xa se cubriron a metade.

O Hospital do Salnés celebrou por todo o algo o seu cuarto de século de historia. O auditorio de Vilagarcía acolleu o acto conmemorativo, que congregou a numerosos representantes institucionais, entre eles o presidente da Xunta Alfonso Rueda, e veciñais da comarca. Dende a área sanitaria puxeron en valor o traballo realizado polos profesionais do centro nestes 25, converténdoo nun referente asistencial.

Meaño acolleu este venres un concurso ben curioso. Trátase do Campionato Nacional de Colocación de Cerámicas, que se celebrou nas instalacións de Prefabricados Dena. Nove aspirantes chegados de toda Galicia puxéronse a proba para demostrar quen é o que mellor sabe poñer azulexos. Técnica, experiencia e, sobre todo, paixón polo oficio son as claves coas que os concursantes se presentaron a esta cita. O gañador foi un veciño de Meis, que asistirá a comezos de 2027 á gran final na que se coroará ao mellor profesional de España.